نجمة مصرية تسخر من نفسها بصورتها حافية وانتقادات بسبب فستانها الجريء

نشرت الفنانة زينة عبر حسابها على "إنستغرام"، صورة لها وهي ترتدي فستاناً باللون الأسود وتصعد على السلم حافية القدمين، وتمسك بحذائها بيديها.

وسخرت زينة من تعبها بسبب ارتداء الكعب العالي، كاتبة: "مش قد الكعوب بنلبسها ليه مش فاهمة".

وبدأت تعليقات المتابعين على الصورة والذين انتقدوا فستانها المكشوف من الظهر والمفتوح من عند السيقان، وما لبثت أن دخلت زينة في حوار مع إحدى المتابعات، التي طالبتها بعدم ارتداء هذه النوعية من الملابس، قائلة: "الفستان عريان أوي، مش محتاجة تلبسي كده ولا تعملي كده.. في ناس بتحبك وإنتي بنت عادية إنما السكة بتاعة اللبس المفتوح مش بتجيب حب ناس، يمكن تجيب حاجات تانية، إنما أكيد مش حب حقيقي ولا احترام".

من جانبها، أوضحت زينة سبب ارتدائها للفستان قائلة: "أنا كنت راجعة من فرح صاحبتي ومش محتاجة أعمل أي حاجة علشان الناس تحبني، الاحترام مالوش علاقة بلبس إيه وأنا بحترم الجميع والجميع بيحترمني".

واستطردت: "أنا مش بلبس كده في حياتي وأطلع للناس بلبس تاني، دي أنا، وعمري ما لبست حاجة مستفزة لأني مش كده أصلا ومش علشان الناس على فكرة.. ركزي في الفستان هاتلاقيه عادي أو بالنسبة لي عادي، ورديت عليكي علشان احترمت تعليقك وحبيت أفهمك وجهة نظري".

جدير بالذكر أن آخر مسلسلات زينة كان "ممنوع الاقتراب أو التصوير" وعرض في رمضان 2018 وشارك في بطولته نسرين أمين وفتحي عبد الوهاب ومي القاضي وأحمد فؤاد سليم ومحمد شاهين وأحمد العوضي، من إنتاج أمير شوقي، وتأليف محمد الصفتي، ومن إخراج زياد وشاحي.