بعد انتشار الفيديو المثير للجدل للممثل اللبناني باتريك مبارك والذي تعرض من خلاله للدين الإسلامي ولشخصيات لبنانية عامة خرج عدد من الفنانين اللبنانيين عن صمتهم وكشفوا حقيقة وضعه النفسي والذهني.

وغرد الفنان وسام حنا عبر حسابه على "تويتر" وكتب: "لقالو (ما قاله) باتريك معيب وكارثي بس كلنا منعرف بالوسط إنو إلو فترة طويلة بيعاني من اضطراب ذهني وعايش على الأدوية وعم يتعالج وعم يحاول يرجع يشتغل ويكفي مسيرة الحياة بصعوبة".

وتابع في تغريدة أخرى: "كنت بتمنى قبل ما النقابات تقطعلوا رزقو تشوف كيف بدا تساعدو لأنو الكل بيعرف وضعو الذهني.أنا اشتغلت معو وعم دافع عنو لأنو بعرف وضعو الذهني والأدوية لعم ياخدها وكيف بيتصرف بأمور ما بيوعى انو عملا. صحيح هوي غلط بس كنت بتمنى من الصحافية تقدر وضعو. هوي غلط مضبوط بس قبل ما نصلبوا نشوف كيف بدنا نساعدو".

وعلق الممثل باسم مغنية: "يللي قالو باتريك مبارك كلام بيعمل فتنة ومعيب معيب معيب وغير اخلاقي. بس نحنا أولاد المهنة منعرف إنو باتريك مريض مريض مريض. وما بعمري باخد على كلامو ولا بعمرو أذى حدا. المؤذي هو اللي نشر هال فويس. إعلامية أنا بحبا وبحترمها. غلطها أكبر بكتير. لو ما نشرت هالشي ما كان صار شي".

وعن إهانة زميله للإسلام كتب: "اليوم باتريك حكي عالمسلمين. بكرا بغير موقف بيحكي عالمسيحية. برجع بقلكن باتريك مريض. الكل بيعرف هالشي. لو عايش بغير بلد كان من زمان تعالج وفهمكم كفاية. باسمي واسم كل الزملاء منعتذر من كل كلمة قالها. والمسامح كريم. بتمنى من الجميع يقرا بين السطور وما يهاجمني".

مرض الفنان كشفته ايضاً الكاتبة كلوديا مرشليان التي غردت: "باتريك مبارك انسان تعيس ويعاني من مشاكل كتيرة منذ زمن مشاكل نفسية ومادية واجتماعية. طبعاً هالشي ما ببرر ابدا اللي قالو. ما حدا الو حق يتطاول على المقدسات ويهين ويجرّح ويؤذي مشاعر الناس كلها من كل الأديان ومن كل فئات المجتمع".

وأضافت: "زعلت كتير على باتريك يللي بعتبر انو انتحر وقوّص حالو براسو بس". ويشار إلى أن مبارك اعتذر في تسجيل صوتي آخر عما قاله في التسجيل الأول، مشيراً إلى أن الصحافية استفزته ودفعته إلى إطلاق التصريح المسيء. وقد تم تةقيفه بعد التحقيق معه.