نشرت الإعلامية ريهام سعيد على حسابها الخاص في "إنستغرام" مقطع فيديو لها كشفت فيه عن المعاناة التي تشعر بها حالياً، بسبب تركها للعمل وجلوسها في المنزل، عقب الأزمات المتلاحقة التي مرت بها على مدار السنوات الماضية.

وأوضحت قائلة: "أكيد محبش تبقا نهايتي كده.. يعني بعد السنين دي كلها لو أنت بتسيب شغلك المفروض بتتكرم في الآخر.. خصوصا لو مخلص وشاطر وضميرك صاحي أوي. أنا بعيش فترة مش لطيفة خالص.. مش عشان بعيد لكن عشان حاسة إني قدمت كتير أوي وعمري راح.. وإن اتحصر كل تاريخي اللي في 16 سنة في 3 حاجات: أزمة فتاة المول والعفاريت والتخان".

وتابعت: "أنا دلوقت بحارب عشان أعيش حياة طبيعية.. أنا بقيت بقايا بني آدم ومش مكسوفة إني بقول كده.. أنا بصحى كل يوم الفجر بقول لربنا ياخد لي حقي من كل حد ظلمني".

يذكر أن إدارة قناة "الحياة" قررت وقف برنامج "صبايا الخير"، بعد طلب نقابة الإعلاميين بتوفيق ‏أوضاعها ‏مع ‏النقابة، ووجود تجاوزات مهنية وأخلاقية ببرنامجها بعد حلقتها المثيرة للجدل بوصف مرضى ‏السمنة ‏بالأموات‎.‎

وكانت محكمة جنح الجيزة، قد قضت ببراءتها من التهم المنسوبة إليها في القضية المعروفة إعلاميا ‏بقضية "السمنة" وقد شمل الحكم عدم قبول الدعويين الجنائية والمدنية‎.‎