أسما شريف منير تواصل الرد على المتنمرين عليها

مازالت الإعلامية أسما شريف منير ترد على منتقديها ومهاجميها والمتنمرين عليها منذ إعلانها عن زواجها للمرة الثالثة، فبعد ردها على إحدى متابعاتها والتي انتقدتها على زواجها للمرة الثالثة، عادت ونشرت على حسابها الخاص بـ"إنستغرام" صورًا من رسائل تنمر بعض المتابعين لها، ردت من خلالها بتعليق طويل عليهم.

بدأت أسما، منشورها قائلة: "لكل شخص شتمني، تنمّر عليّا، أو أساء الظن بيّا، أنا مش بزعل، ومش باخدها على قلبي… مش لأني ما بحسّش، لكن لأني تعلّمت إن القلوب اللي فيها نور، بتعفو، وبتعدي، لأن ربنا قال: (والكاظمين الغيظ والعافين عن الناس والله يحب المحسنين)".

تابعت: "أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة. ربنا أمرنا نكون أرقى، حتى قدام الظلم: (ولا تستوي الحسنة ولا السيئة، ادفع بالتي هي أحسن)".

أضافت: "اللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه: (يا أيها الذين آمنوا اجتنبوا كثيرًا من الظن، إن بعض الظن إثم)، أنا مسامحة من قلبي، مش ضعف.. لكن قوة إني ما أخليش الحقد والزعل يسكن في صدري. وسايبة كل حاجة لربنا.. لأنه قال: (فمن عفا وأصلح فأجره على الله)".

واختتمت أسما شريف منير رسالتها قائلة: "أنا عندي رسالة أمل، وبدعي من قلبي إن ربنا يكرم كل ست، ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم ولا من الكلام اللي بيقول: مريضة، مستفزة، بجحة، وكلام كتير مالوش لازمة. كله اتبدل بحسنات. ربنا هو اللي بيختار ويعوض.. مش الناس".