بعد أن اتهمت إحدى متابعات السيناريست الشهير أيمن بهجت قمر على تويتر بالكذب بعد نفيه اقتباس فكرة فيلم "آسف على الإزعاج" من فيلم A Beautiful Mind، سيطرت حالة من الغضب عليه.

وكانت الفتاة كتبت على "تويتر": "أيمن بهجت قمر وهو بينفي إن فيلم "آسف على الإزعاج" مقتبس أو فكرته قريبة من Beautiful Mind، قال إنه اصلاً ما شافش الفيلم"، لتصفه بالكذب، مؤكدة: "شيء لا يقلل من فيلمك خالص لأنه مختلف في التناول والمعالجة تماماً ومصري الدم وظريف"، وأضافت: "رد قول آه شفته والفيلم مش شبهه.. نفس الفكرة العامة بس".

ورد أيمن على الفتاة بقوله: "أسلوبك إنتي اللي غبي وكله قلة ذوق وأنا حلفت بحياة أولادي إني ما شفتش بيوتيفول مايند ولا الفكرة جات لي منه وطظ في أي حاجة قصاد حلفاني.. أنا رديت مش عشانك لأن أسلوبك فج أنا برد عشان أي حد كلامك ممكن يضلله ويا ريت لما تحبي تنتقدي تنتقدي برقي".

ولكن الفتاة لم تصمت أمام اتهام قمر لها بقلة الذوق لترد عليه بقولها: "أنت بتعمل سيرش على اسمك وتدخل تتخانق مع الناس اللي أنت مش عاجبهم. إنت فعلاً صدامي زي ما بتطلع في التليفزيون.. أنا شفتك وأنت بتنفي تحلف بحياة ولادك دي وأنت بتتناقش مع صحابك لكن كلامك ما أقنعنيش، هو أنا أعرفك أصلاً، وبعدين أنت ماتدخلش تزعق للناس كأننا في الشارع اقفل أكونتك أحسن".

ليرد قمر على ما كتبته الفتاة، قائلاً: "وإنتي أسلوبك أسلوب بيوت نضيفة بصراحة، مدية لنفسك الحق تشتمي بني آدم له كرامة ومستكترة عليه إنه يزعل من إهاناتك ومستمرة ببجاحة، وقدرنا لما نهتم بآراء الناس في أعمالنا ونعمل سيرش نقع في أمثالك".

لتعيد الفتاة الرد على تغريدته بقولها: "بص أنا شايفة إن من حقك تضايق.. بس اللي أنت بتعمله دا شغل عيال.. وواضح إن موضوع الفيلم دا مضايقك جداً.. بس أنت كمان شخص مش لطيف أصلاً.. وعدائي جداً وأكتر واحد أسلوبه فج بيطلع في إنترفيوز.. أنا كنت حاتجاهل التويتة اللي فيها شتيمة قبلها لإني فعلا شتمتك وأنت رديت كانسان وده أوكيه".

وكان فيلم "آسف على الإزعاج" قد عرض عام 2008، وقام ببطولته أحمد حلمي، منة شلبي.