أحدثت المذيعة اللبنانية كارين سلامة ضجة كبيرة بسبب تغريدة نشرتها على حسابها على "تويتر". وجاء فيها: "رح خبركم شغلي عم عيشها، إخواتي الثلاث الشباب صاروا بلا شغل، أنا بلا شغل، زوجي قاعد بالبيت من أول قصة كورونا".

وأضافت: "طيب نحنا لهلأ معنا ناكل الحمدلله، بس مستحاقتنا يللي الدولة والبنوكي بدهم ياهن مننا، شو ممكن نعمل إذا طول الوضع؟ اذا ما رح تلاقوا آلية كلنا بدنا إعاشات قريباً" وارفقت التغريدة بهاشتاغ "خليك بالبيت".

وتفاعل معها عدد كبير من المتابعين معربين عن تعاطفهم معها ومع الكثير من الأشخاص الذين يعانون من الضيق المادي والبطالة بسبب الأزمة الاقتصادية التي تفاقمت في لبنان مع انتشار فيروس كورونا.

وأعادت كارين نشر التغريدة على حسابها على "إنستغرام" معبرة عن استغرابها تلك الضجة وكتبت: "ما بعرف ليش هالتغريدة أخدت هالقد ضجة. يمكن لأنو الناس مش معودي على الصراحة من أشخاص بيطلعوا على التلفزيون. أنا من العالم، من الطبقة الوسطى بهالبلد يللي عم بتعاني كثير وهي على شفير الإنقراض. وأكيد إذا استمرت الأوضاع هيك وما في شغل والبنوكي مش عم ترحم رايحين على المهوار".

وكانت من أبرز المعلقين الممثلة اللبنانية كارمن لبس التي أعادت نشر التغريدة على حسابها مع التعليق: "حبيبتي كارين كلنا بالهوا سوى. الواحد بيستحي يحكي لأن في كتير ناس معترين، بس وضع كتير من الممثلين والإعلاميين عم يصعب يوم عن يوم والدولة والبنوكة آخر همن، سارقيلنا مصرياتنا عينك بنت عينك، ومش عّم يعطونا حتى المينيموم لنقدر نجيب أكل".