إبنة ممثل مصري تتبرأ منه: "وجودك أذى في حياتنا"

نشرت لوجين ابنة الممثل الهارب محمد شومان أمس (الأحد)، عبر حسابها الرسمي على "فايسبوك"، فيديو أعلنت فيه أنها تتبرأ من والدها.

قالت لوجين، من خلال الفيديو: "أنا لوجين شومان، بنت محمد شومان اللي أصدر بيان على صفحته بيناشد السلطات أنها تنقذ أسرته اللي بتموت بالبطيء.. أسرته اللي هي أنا وأختي وأخويا وإنهم يفرجوا عن أخويا من غير أي شروط .. مبدئيا إحنا مش أسرتك عشان أنت مجرد اسم لي البطاقة إحنا ملناش أي صلة بيك وقطعنا كل ما لينا علاقة بيك من 5 سنين .. وابنك أنت متحملتش مسؤوليته من وهو عنده سنة ونص".

وأضافت: "إنت مش رب أسرتنا.. رب أسرتنا هي أمي أنت مش مسؤول عننا .. إنك تتكلم بلسانا ده مش من حقك .. هما بيحققوا معاه عشان يعرفوا أنه مالوش صلة بيك وهما عارفين ده وهيطلع بس مالكش دعوة أنت.. لو عايز تعمل أب انزل وواجه لكن مش قاعد ف بلد تانية وبتتكلم وحاولنا كتير نشيل اسمه من البطاقة بس معرفناش وبوجه رسالة للسلطات يعرفونا إزاي نتبرأ خالص منه يعرفونا إزاي .. وجودك في حياتنا هو الأذى".

وبعد انتشار الفيديو علقت لوجين، قائلة: "اضطريت آسفه أعمل الفيديو ده بعد ما تجنبته لسنين، لأسباب كتير أوي منها أن ناس قليلة جدا اللي تعرف إنك بابايا. فعلا كان نفسي أكمل كده ومحدش يعرف.. ده رد ع البيان اللي محمد شومان أصدره انهارده على صفحته".