تعرضت الفنانة راندا البحيري لهجوم حاد من قبل رواد على مواقع التواصل، بعد دعمها ومساندتها للبلوغر حنين حسام، الطالبة بكلية الآثار جامعة القاهرة، والمحبوسة حالياً بسبب بتهمة التحريض على الفسق والفجور بفيديوهاتها على تطبيق تيك توك.

وكانت راندا نشرت صورة لحنين حسام على حسابها بـ"إنستغرام" كتبت فيها: "يا جماعة هو إحنا بقينا صعبين كده ليه.. بنت طفلة صغيرة.. سني تقريبا ضعف سنها.. عرفت إنها بايتة في القسم ربنا ما يكتب ده على حد.. متخيلين يعني إيه واحدة عندها أهل وبيت أكيد زعلانين عليها.. بايتة في القسم دلوقتي".

وأضافت: "إنتوا مستكترين عليها الدعاء؟؟ وبتشتموني؟؟؟ طيب يا سيدي انت وهو.. ربنا يكرم أصلك.. وشكراً على الشتايم.. خليني آخد حسنات وتاخدوا انتوا ذنوب.. هو انتو لو الواحد حتي غلط في المجتمع ده مينفعش إنه يتوب.. مينفعش حد يدعيله؟ ليه كده؟ ده باب التوبة عند ربنا مفتوح؟ وعندكم مقفول في وش الناس كلها".

وكانت الأجهزة الأمنية بوزارة الداخلية ألقت القبض على حنين حسام الطالبة بكلية الآثار جامعة القاهرة وصاحبة الفيديوهات على مواقع التواصل الاجتماعي "فيسبوك" و"تيك توك" لبثها فيديو على أحد برامج التواصل الاجتماعي تحرض فيه على الفسق والفجور، وتم اتخاذ الإجراءات القانونية حيالها، إذ قررت النيابة حبسها أربعة أيام على ذمة التحقيقات.