علقت مدونة الجمال ونجمة المواقع السعودية الشهيرة عبير سندر على حادثة الأميركي جورج فلويد انطلاقاً من تجربتها الخاصة وتعرضها للتنمر مرات عدة بسبب لون بشرتها الداكن.

ووجهت في هذا السياق رسالة مؤثرة من خلال حسابها على "إنستغرام" وكتبت: "أنا فخورة بكمية الوعي اللي قاعدة أشوفو في متابعيني و في كثير من الجيل العربي الحالي. بكل صراحة فرق كبير بالنسبة ليا بين الحين و قبل مثلاً 3 سنوات. العنصرية حقيقة ما نقدر ننكرها واللي يقول ما في عنصرية عندنا بكل بساطة جالس يكذب على نفسو. العالم كلو مرتبط في بعض والأحداث اللي جالسة تصير في أمريكا (جورج فلويد) وغيره تأثر علينا لأنو كل العالم زي ما يقولو صار قرية صغيرة وأنا متأكدة انو جيلنا هوا الجيل اللي حيغير العالم".

وأضافت: "من اليوم ورايح حاولوا تكونوا دايماً أحسن نسخة من نفسكم وكل يوم كونوا أفضل من أمس. لا تسمحوا لأحد يستخدم كلمات عنصرية قدامكم. لا تسكتوا عن الغلط علموا أهاليكم و أصحابكم وحتى الكبار اللي متربيين على دا الاسلوب، كلمات زي العبد، الخال، أبو سمرة، الزنجي، التكروني، المشاهير اللي يسووا بلاك فيس ويصبغوا وجههم أسود. لما أحد يستحقر أحد أو يقلل من مكانتو عشان شكلو أو لونو، لا تسكتوا فهموهم و ثقفوهم. الكلام برضو ينطبق على كل أنواع التفرقة والعنصرية على الاسيوويين، على الاجانب، على البدو، على أي أحد مختلف عنك. العالم ممكن يتغير لو احنا اتغيرنا".