بعد تعرضه لحادث سير، تحدث مغني المهرجانات حمو بيكا عما حصل معه في بث مباشر على صفحته على "فيسبوك"، كشف تفاصيل ما حصل معه، مؤكداً أن السيارة التي تعرضت لحادث على طريق الساحل الشمالي تخص مدير أعماله وليست سيارته، وأنه في هذه الأثناء كان متواجداً في الفندق، وعندما علم بالحادث ذهب مسرعاً للاطمئنان على مدير أعماله وحينها ظن الموجودون أنه هو من تعرض للحادث وتناقلت الصحافة الخبر وهذا الأمر غير صحيح.

ولكن بعد فترة قصيرة، فجّر شاهد عيان، يُدعى عمرو نجيب، مفاجأة حول الحادث وكتب عبر حسابه الخاص بـ"فيسبوك"، إن سيارته تهشمت وعدد آخر من السيارات، بفعل تصادم سيارة كان يستقلها حمو بيكا، في مكان انتظار السيارات "باركينج"، مشيرًا إلى أن بيكا، استعان بمدير أعماله ادعى أنه كان يقود السيارة، وكان مخمورًا.

وكتب قائلاً: "قدر الله وما شاء فعل .. البيه حمو بيكا اللي طايرين بيه فالسما وواخد تريند ماشي سكران هو واللي معاه في بورتو مارينا دخل ف 7 عربيات واقفين ومنهم عربيتي وعربية ابن خالي والنتيجة أهي، وجابوا واحد قال إن هو اللي سايق فالقسم ومتعاطي حشيش والبيه قاعد في عربيته بره صاغ سليم".

وأضاف: "أنا مش حسيبه غير لما آخد حقي.. شير علشان الناس تشوف لما النماذج دي الفلوس بتجري ف ايديها بتعمل إيه وعشان تبقوا تجيبوه فالأفراح وتهيصوا".

وكان بيكا قد أشار في البث المباشر إلى أنه نزل مسرعاً من الفندق للاطمئنان على حالة مدير أعماله ومن اصطدمت سيارته بهم وليس السيارة.

وأضاف: "طبعًا إحنا اتصورنا والناس بقت بتحب تنزل أي حاجة على فيسبوك، بس لما تيجي تكتب اكتب بعقل، هو دلوقت بخير وبيتحقق معاه في النيابة ومعاه المحامين بتوعي، وحدوا الله كده كل سنة وأنتم طيبين، واطمنوا أنا بخير".

وأختتم: "أصلا كل اللي واقف كان واقف صف تاني غلط يعني، وأنتوا عارفين إن الساحل زحمة، والبني آدم بيخطئ، الحمدلله أن الكل بخير ومحدش حصله حاجه، وكلها كانت سليمة، هي بس العربيات كانت واقفة وهو كان بيجري وخبط في العربية دي وبعدين الإيرباك فتح فشد العربيات اللي وراها".