بالفيديو - بعد إصابتها... أضرار كبيرة في منزل نادين نسيب نجيم وهذا تعليقها

إثر إعلان إصابتها في الانفجار الذي وقع في مرفأ العاصمة اللبنانية بيروت، عُرض على حساب الفنانة اللبنانية نادين نسيب نجيم فيديو أظهر الأضرار الجسيمة التي تعرّض لها منزلها.

وبدا من خلال الفيديو أن الأثاث تحطّم كلياً، وأُرفق المقطع بتعليق كتبته الفنانة وجاء فيه: "بشكر ربّي، أولاً رجع خلقني وأعطاني عمر جديد، الانفجار كان قريب والمنظر مش متل الحكي، فعلاً يلي بيفوت علبيت وبيشوف الدم وين ما كان وكل شي مكسّر، ما بيقول انه بعدنا عايشين. الحمد الله ألف مرة عطاني القوة إنزل 22 طابق حافية مغطّسة بالدم تأقدر خلّص حالي".

وأضافت نجيم: "الناس كلها مدمّمة، جرحى قتلى سيارات مكسّرة، ناس عم تصرخ وتبكي، وقّفت سيارة قلتله دخيلك ساعدني، كان ابن حلال وصّلني على أول مشفى، رفضوا يستقبلوني لأنو كان مكدّس بالجرحى، رجع اخدني على مشفى المشرق، اسعفوني وخضعت لعملية ٦ ساعات لأنو نص وجهي وجسمي مدمّم، بس يلّي شفته عل الأرض صعب كتير ينوصف فعلاً وكأنه قنبلة نووية، شكراً يا رب انك حميتني وحمد لله ولادي بخير وسلامة ما كانوا بالبيت، بشكر الله كل لحظة ،ويا رب ترحم الموتى وتشفي الجرحى".

ويشار إلى أن الإعلامية اللبنانية ريما نجيم أشارت في وقت سابق إلى أن النجمة خضعت لعملية جراحية استمرت 6 ساعات وغرّدت: "لكل اللي عم يسألوني عن نادين نسيب نجيم وبدّن يطمّنوا عنّا، بعتذر كون عم بنقل خبر بيشغل البال. بس نادين تأذّت بالانفجار وخضعت لعملية جراحية طويلة استمرّت 6 ساعات، وهي حالياً أفضل والأولاد (هافن وجيوفاني) بأمان، الحمد لله". وأضافت: "انشالله قريباً بتحكي معكن هيّ، بس طلبت طمّنكن عليها، صلّولها".