بعد تجاهلها في كل المهرجانات.. إيمان السيد: الناس بتفهم جداً

حالة من الاستياء والغضب اعترت الفنانة إيمان السيد بسبب عدم تكريمها أو دعوتها لأي من المهرجانات الفنية خلال السنوات الماضية، مؤكدة أن حب الجمهور يكفيها ويغنيها عن كل ذلك.

وعبرت إيمان عن حالة الغضب تلك بمنشور طويل عبر حسابها على "فيسبوك" قالت فيه: "أنا حقيقي يكفيني جداً رد الفعل اللي شوفته من الناس طوال رمضان الحمد لله، ومش من مصر فقط بل من كل العالم العربي لدرجة إن في مقالات نقدية كنت بتكسف اشيرها عشان ممكن يكون فيها حاجة تجرح حد من زمايلي (من خارج العمل) وحاجات كتير غير المقالات برضوا كنت مش برضى احتراماً لمشاعر الزملا، الحمد لله شوفت حب كبير جداً وتعليقات على جروبات مصرية وعربية قالت اللي جوايا من سنين فعرفت إن الحمد لله مش مضطرة أبرر وأحكي لأن الناس بتفهم جداً".

تابعت: "وبرضو طوال رمضان كنت فاتحة التعليقات لكل الناس اللي مشرفني بوجودهم عندي في قائمة الفولورز وعمري ماشوفت تعليق واحد ضايقني بل بالعكس الحمد لله.. هل بعد كرم ربنا دا كله ممكن يضايقني عدم التقدير: سواء في الصناعة أو الجوايز أو دعوات المهرجانات أو حتى مجرد الترشيح في مهرجان الفضائيات!".

كانت إيمان السيد قد شاركت في موسم رمضان 2020، بمسلسل "ونحب تاني ليه" من تأليف عمرو محمود ياسين، إخراج مصطفى فكري، إنتاج سينرجي-تامر مرسي، وبطولة ياسمين عبد ‏العزيز، كريم فهمي، سوسن بدر، أحمد سعيد عبد الغني، ليلى عز العرب، تارا عماد، كارولين عزمي، سليمان عيد، ‏وبدرية طلبة‎.‎