تحدّثت الفنانة روجينا خلال حلولها ضيفةً على برنامج "صاحبة السعادة" الذي تقدّمه الإعلامية والفنانة إسعاد يونس على قناة dmc، عن قصة الحُبّ التي جمعتها بزوجها الفنان ونقيب الممثلين أشرف زكي، لافتةً إلى أنه توقّع أن يتزوجها منذ أن رآها للمرة الأولى أثناء تقدّمها للالتحاق بالمعهد، ومحاولاته المُتكررة للتحدث إليها، إلى أن أحرجته في أحد الأيام فاستبدلها بالفنانة حنان ترك، وفي النهاية قرر الحبيبان الزواج.

وقالت روجينا: «عرفت أنني يوم ما كنت بقدّم في المعهد كان قاعد في برجوله، فقال لصديقه شايف البنت دي أنا هتجوزها، وأنا كنت أدرس في فاقوس بمحافظة الشرقية، وأخذت آخر سنة في الثانوية العامة في القاهرة وقدمت في المعهد، وجيت ماعرفش حد فداخله مش مركزة».

وأضافت: «في مرة اتقابلنا في محاضرة بعدها قالي عايزك معايا في مسرحية، داخل وطالع يقولي تعالي عايز أتكلم معاكي، قلت لأ بقولك إيه مش كل شوية تقولي تعالي أتكلم معاكي قولي البروفات إمتى وآجي وخلاص، اتعصب وقالي (أوقفي الحديث) لما بيتعصب بيقلب لغة عربية، وقتها اتضايق مني جاب مكاني حنان ترك».

وأنهت روجينا حديثها بالقول: «عزمني يوم عرض المسرحية وبعدها قالي تعالي عايز أتكلم معاكي، وقالي طالع أعمل عُمرة وهستخير ربنا واتقدملك وافتكرته هيقولي بحبك أو معجب بيكي، لكن هو علطول قرارات كده وبصيت له وسكت وبعدها روحت قولت لماما قالت لي: طيب دا شخص محترم»، وبالفعل وافقت والدتها على خطوبتها بعد عودته من العُمرة.