خلال استضافتها في برنامج «ليلة الخميس»، الذي تقدّمه الإعلامية ياسمين عز على قناة «MBC مصر»، كشفت الفنانة إيمان السيد عن سبب عدم زواجها حتى الآن، قائلةً: "الزواج لم يكن هدفي في الحياة، ومعنديش مشكلة في الوقت، وقت ما أحس نفسي مؤهلة نفسيا، وإن ده البني آدم اللي عاوزة أكمل حياتي معاه، هتجوزه".

وعن مواصفات فارس أحلامها، قالت: «مبقاش فيه مواصفات زي زمان محددة، كل ما الإنسان بيكبر المواصفات بتختلف، المهم يكون تفكيرنا قريب من بعض، ويكون إنسان في العموم كويس، الراحة النفسية أهم حاجة بردو، مقدرش أتجوز واحد نكدي أعوذ بالله، بس كل ما تبقى الحاجة تلقائية وطبيعية بتوصل للناس زي التمثيل".

وعن أسباب عدم استكمالها لمهنة المحاماة، أكدت: "لقيت نفسي هتردد على الأقسام كتير وأنا مش وش أقسام، وياما جوه الدولاب مظاليم وكل حاجة بس بردو بس هحتك بمجرمين، أنا مش وش أقسام وسجون، فلقيت أفضل أعافر في الحاجة اللي بحبها وهي التمثيل".

وتابعت: "الناس لما قعدوا مع بعض في الحجر حصل مشاكل، يعني أنا ساكنة في مكان هادي جدا، بس الناس اللي عمري ما كنت بسمع صوتهم كنت بسمع زعيق كتير في كل البيوت ساعة الحجر، كتر القعدة في وش بعض بيعمل مشاكل".

وأوضحت إيمان السيد أنها رسبت في معهد الفنون المسرحية مرتين فقالت: "كنت في السنة اللي اتخرجت فيها أخدت ممثلة أولى على مستوى الجامعة وعلى مسرح الجمهورية في جامعة عين شمس، ولما مثلت المشهد التراجيدي حد طلب قهوة فافتكرتهم بيكلموني فقطعت المشهد وابتديت أرد عليهم فاكتشفت أن ده غلط، بس المرة التانية أنا اللي طلبت القهوة».