تعرض منزل فنان لبناني قدير للاقتحام وهذا ردّه القاسي

أعلن الفنان اللبناني القدير أسعد رشدان تعرض منزله لاقتحام من قبل عدد من أشخاص أشاروا إلى انهم من مناصري أحد الأحزاب اللبنانية وذلك في ظل الأوضاع الصعبة التي يشهدها لبنان سياسياً واقتصادياً وصحياً.

وأشار رشدان إلى هذا من خلال حسابه الخاص في "فيسبوك" وكتب: ""الحرس القديم: قبضيات... لا اسم، لا رسم، لا كسم... البطل اللي نطرني تا ضهرت من البيت ليوصل عا مدخل بيتي، بيعرف منيح إني لو شفتو... كنت تصرّفت معو، دفاعاً عن حرمة بيتي... وهلق بقلّو هوي واللي بيشد عم مشدّو، هيك رح يصير إذا بلمح حدا مشبوه مارق من حد بيتي... سلمولي عالحرس القديم والجديد. ولو فعلاً كنتو من الحرس القديم، كان لازم تعرفوني منيح قبل ما تلعبوا بديلكن. إذا كنتوا هالقد قبضايات واجهوني ومنشوف... شرط بلا كمامات..."

وأضاف: "أنا أسعد رشدان... شرّفتولي بيتي متل ما شرّفتوا بكركي بالـ 1989

وشرفتوني إلي متل ما شرفتوا غبطة البطرك صفير من 33 سنة... يا ريت حدا منكن عندو الجرأة يعرّف عن نفسو متلي ومتل رئيسكن... ما خاف متلن... قال انا ميشال عون، وأنا قلت انا أسعد رشدان، فَإنتو مين يا حلوين؟"

ولم يتم تبيان خلفيات الحادثة بعد أو كشف هوية أولئك الأشخاص، علماً أن الكثير من المتابعين تفاعلوا معها وعبروا عن تعاطفهم مع الفنان الذي توجه بالشكر إلى كل من دعمه.