رانيا يوسف عن تصريحات والدها: "اللي هيلعب بالكلام هيتزبط"

21 تموز 2021 | القاهرة – "لها"

رانيا يوسف

ردّت الفنانة المصرية رانيا يوسف على الجدل المثار حول التصريحات المنسوبة الى والدها الضابط السابق سيد يوسف، والتي قال فيها: "نشأتي العسكرية جعلت رانيا ملتزمة بالتعاليم الدينية والانضباط"، حيث أكدت في لقاء لها مع برنامج "ET بالعربي" في كواليس تصوير مسلسلها «المماليك»: «الكلام ده ما حصلش خالص والكلام ده موجود على صفحتي في "إنستغرام"، آه تربّيت تربية عسكرية في إنني ملتزمة وأتحمّل مسؤولية ومحترمة في مواعيدي وشغلي ولكن ماقلش الكلمة التانية الدينية ماعرفش جابوها من فين بس تمام اللي عاوز يلعب بالكلام كله حيتحاكم وحيترفع عليه قواضي ويتظبط".

وأضافت: "الفترة اللي جاية عندي محامين ربنا يقدرني عليهم إن شاء الله ويقدّرهم على الناس اللطيفة اللي قاعدة فاضية ما وراهاش حاجة غير اللت والعجن وتقويل التصريحات وأنا ما عنديش وقت الحمد لله لده".

وعن سبب غيرة البعض منها، قالت رانيا: "الحمدالله ناجحة ومحبوبة ومتربية تربية عسكرية وأتشرّف بذلك، هذا ما نجحني بهذه المناسبة وأنا محاربة ومافيش أي واحد معدّي كده بيهزّني".

وفي ما يتعلق بمسلسل «المماليك»، أشارت رانيا يوسف إلى أنه مسلسل اجتماعي (أكشن) يتخلله بعض المشاهد الرومانسية، ويحكي قصة فتاة تُدعى "هند العباسي" وتنطلق في رحلة مليئة بالمغامرات... وأضافت: «هي قصة من الواقع وحدوتة لطيفة وفيها شخصيات لطيفة واللي عايز ياخد منها رسالة ياخد واللي مش عايز يتفرج وينسبط».