منة فضالي تكشف عن معاناتها بعد تلقيها لقاح كورونا

كشفت الفنانة منة فضالي عن معاناتها من أعراض صعبة بعد تلقيها لقاح كورونا.

وكتبت عبر صفحتها على موقع "فيسبوك": "يا جماعة أنا تعبانة جدا.. أخدت التطعيم استرازينكا.. ومش قادرة أتحرك وسخنة وجسمي كله مهمد ودراعي مش قادرة أحركه.. وأخذت بانادول."

وأكملت متساءلة: "حد عنده فكرة أعمل إيه من فضلكم".

وتفاعل معها كثيرون متمنين لها السلامة، وأن تكون تلك الأعراض مؤقتة وتمر سريعاً.

وكانت فضالي قد كشفت عن سبب غيابها عن مهرجان الجونة من خلال لقائها ببرنامج "مساءdmc " قائلة: "أولاً أنا مش بحب أبقى متواجدة في حاجة مليش تواجد فيها، وعلشان أروح مهرجان لازم يكون عندي تكريم".

وأضافت: "أنا بقيت بشوف ناس غريبة على الريد كاربت معرفش مين دول ومعرفش الناس بتعزمهم إزاي أو بيسمحوا بدخولهم إزاي، فا دي حاجة برضوا مبتبقاش مفهومة".

وتابعت: "مؤخراً أنا لقيت راقصات في الجونة، وده جديد بالنسبة لينا، وأنا بحترم الرقص جدا وبحبه، ومش بسيء للرقص، بس أنتي بتكلمي عن وجهة أنتي بتقدمي فن فطبعا اللي هيكونوا موجودين لازم يكون ممثلين منتجين ومخرجين ونجوم عالمية، وفي ناس مينفعش تتواجد".