في فصل جديد من فصول أزمة الفنانة ياسمين صبري ووالدها الدكتور أشرف صبري، عاد الأخير ليكذب تصريحات ابنته للمرة الثالثة حول علاقتهما وحياتها قبل الشهرة معه.

ورد والد ياسمين صبري، على تصريحاتها عن علاقتها بأسرتها، والتي أكدت فيها أنه ليس هناك علاقة مع والدها نهائياً.

ونشر والدها صوراً من خطوبتها القديمة وقال: "بعد ما سمعت أكاذيب بنتي اللي ربيتها في بيتي وكانت صاحبة البيت عندها شغالة وقدرت تطعن أبوها في ضهره؟".

وأضاف: "أصدقاؤنا كانوا بييجوا البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها".

وتابع: "الكدب ده يبرر بالنسبة لها سبب عدم حضورها فرح أخوها ولو أب اهتم بفرح ابنه وزعلان أن إخواته ماجوش مش حيهتم ببنته؟".

وأكد :"أنا وفرت لها حياة كريمة راقية ومحترمة وماكنتش فاكر إن الرد هيكون كده والسر اللي الناس ما تعرفوش أنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا، واتجوزت من ورايا وبدون علمي بعد التربية اللي عملتهالها وعشان كده أنا مش معترف بجوازها اللي من ورا ضهري ده".

وكانت ياسمين قد صرحت في أحد اللقاءات الإعلامية حينما سئلت عن علاقتها بأسرتها قائلة: "أمي هي كل حاجة في حياتي.. سافرت خارج مصر بعد ما انفصلت عن والدي وأنا طفلة عندي سنتين".

واستطردت: "مشفتش طول حياتي غير أمي ووالديها جدي وجدتي.. أما الوالد فمفيش علاقة".

وأكدت ياسمين صبري، أن انفصال والديها ليس سبب بعدها عن أبيها قائلة: "في ناس تختار تحمل المسئولية وناس تختار نفسها والانفصال مش معناه إن العائلة تتفكك".