حلّ الفنانان المصريان حمادة هلال ومصطفى قمر ضيفين على برنامج "بصراحة مع" المذاع عبر قناة MBC1، وفتح هلال قلبه ليسرد ذكريات بداياته الفنية وماذا فعل بعدما بدأ يشعر بالنجومية. إذ قال: "كان طبيعي جداً، أنا كان النجاح بالنسبالي إني أغني في الفرح وشايف كل البلكونات سرحانة فيا ومبسوطة. كنت دايماً أغني أغاني حزينة، أنا طول عمري كئيب مش عارف".

وأشار حمادة هلال إلى اللحظة التي شعر فيها بالنجومية قائلاً: "دي مجتليش غير لما شوفت أول إعلان ليا في التلفزيون. كان في حد في الشرطة ويعتبر رئيس المباحث، وكان شاعر عنده موهبة جميلة، وكنت فرحان إني طالع ونازل مع عند رئيس المباحث".

وأضاف: "فجأة أول ما شوفت إعلان ألبوم "هاي كواليتي" في التليفزيون، وأنا طالع زئرد، لقيت التليفون بيرن فردّيت لقيته، قاللي هتجيلي النهاردة فقلتله لأ مفتكرش، وقعدت أعاقب نفسي بعد اللحظة دي".

وتابع قائلاً: "بقيت أراقب الناس الناجحة بتتعامل إزاي، في ناس لازم تقلّدهم في حياتك، وأنا كنت بقلّد أخلاقك. وأمي قالتلي لما ربنا يرفعك درجة إنزل 10 درجات".

وروى حمادة هلال قصة حفلة غنائية حضرها لمصطفى قمر منذ مدة طويلة، حين كان لا يزال يغنّي في المدرسة، فقال: "هحكي معاك حكايات إنت متعرفهاش، كنت إنت عامل حفلة مكسّرة الدنيا في السندباد، كان بعد ألبوم إسكندراني، وأنا وأخويا مدحت نطينا من فوق السور ودخلنا، وقعدنا نتفرج منبهرين، ما شاء الله إنت طول عمرك مكسّر الدنيا".

وأضاف: "كنت في الفترة دي أنا لسه بغنّي في المدرسة، لغاية ما اتقابلت مع حميد الشاعري وشوفتك وكانت دي أول مرة. كان في نجوم كبار في الوقت ده كانوا زمايلك، مشوفتش حد كان يطبطب على الشخص زيك".

ورداً على سؤال: "هل النجاح أسهل اليوم؟" قال حمادة هلال: "النجاحات بقت غريبة، ممكن غنوة متتوقعش تنجح تحقق نجاح والعكس صحيح، ودايماً لو العكس صحيح بيبقى نجاح قليل".