بعد إنسحابه من فيلم "الملحد"... مصطفى درويش يعلق على فتوى الأزهر

بعد إعلان الفنان مصطفى درويش، انسحابه من فيلم "الملحد" تأليف الكاتب إبراهيم عيسى بسبب آراء الأخير حول رحلة المعراج، وبعد حسم الأزهر لتلك المعجزة وتأكيد حدوثها على النحو الوارد بالقرآن الكريم، علق درويش على فتوى الأزهر مؤكدًا أنه المرجعية الوحيدة له وللمسلمين.

وكتب عبر حسابه الشخصي بـ"فيسبوك": "الأزهر قال كلمته ونصر الحق، ممكن مسمعش صوت معارض لو سمحتم، لأن إحنا مرجعيتنا للأزهر وأنا ولا شيخ ولا حاجة أنا لسة بادئ أنتظم في الصلاة من قريب، وكان بعد مشكلة حصلتلي فقربت من ربنا واعتذاري عن الفيلم، جالي في أصعب ظروف محدش عارف عنها حاجة محتاج ماديات فعلا، ومحتاج شغل لأني لسة في أول الطريق فأكيد اعتذاري عنه كان على عيني بس ديني أهم، وأنا لا غلطت في الأستاذ إبراهيم ولا غلطت في حد، أنا بس أخدت قرار أدافع عن الصلاة اللي بصليها، والإسلام اللي هو ديني ودين أمتي".

وأوضح: "لو كان الأستاذ غلط في أي ديانة مسيحية أو غيرها كان هيبقى نفس موقفي، أنا مسلم مؤمن بكل الرسل والديانات السماوية ومقبلش حد يشكك في الكتب السماوية وأسكت، ونقفل الموضوع ده علشان أخد أكبر من حجمه".

وكان الفنان المصري قد أعلن مقاطعة أي برنامج للكاتب إبراهيم عيسى، والاعتذار عن فيلم "الملحد" وهو من تأليف الأخير، وذلك بسبب إنكار الإعلامي لمعزة معراج النبي.

شارك