نشرت الفنانة حلا شيحة عبر حسابها الخاص في "إنستغرام" صورة تعبيرية ظهرت فيها بجسم صغير وهي تجلس على كرسي فيما تقف بجوارها ابنتها وتظهر بحجم أكبر من المعتاد.

ووجّهت حلا من خلال الصورة رسالة لكل امرأة بمناسبة يومها العالمي، تعلن فيها اعتزازها وفخرها بكونها امرأة وأمّاً... وعلّقت على الصورة بقولها: "بمناسبة يوم المرأة العالمي حسيت إني حابة أشارك جمهوري الغالي بمعنى حسيته... أد إيه دور المرأة في أسرتها ومجتمعها مهم ومؤثر خصوصاً مع أولادها قبل أي حاجة تانية".

وأضافت: "حابة أوجه رسالة لكل أم كوني فخورة إنك أُم وإنك قادرة إنك تحققي المستحيل مهما كانت ظروف الحياة، خليكي دايماً متفائلة وقوية مهما حصل، الأمومة أغلى من أي حاجة ولادنا محتاجنا في حياتهم بالحب والحنان والاحتواء في زمن بقى أصعب من اللي قبله... اعملي حاجة بتحبيها وحبي نفسك أولاً وربي أولادك على الأخلاق والقيم الجميلة مهما اتريقوا أو قالوا أو عملوا العكس".

كما أعلنت حلا شيحة عن تبنيها مبادرة لإحدى صديقاتها تهدف الى التبرع بمبلغ 200 جنيه لعمّال النظافة والبنزين لإدخال البهجة والسعادة الى قلوبهم قبل حلول شهر رمضان المبارك.

وأعادت حلا نشر مقترح صديقتها عبر خاصية القصص المصورة الملحقة بحسابها في "إنستغرام"، والذي جاء فيه: "200 جنيه غالباً بتبقى أقل حاجة بنصرفها، لو خارجين مع صحابنا وبتبقى خروجه، مش متكلفة كمان. 200 جنيه لو اديتهم لعامل في الشارع أو unexpected tip بتاع الديلفري، أو البنزينة أو عامل نظافة أو جنايني، ممكن يفضل مش مصدق نفسه، ويفضل فرحان بقيت الشهر، هو متوقع أقصى حاجة من 10 لـ20 جنيه، بس 200 جنيه ده رقم محترم بالنسبة له، وحقيقي مش هتفرق معانا، لو مخرجناش المرة دي وأكلنا في البيت".

واختتمت حلا شيحة بالقول: "صح جداً بدل ما نبص على المبلغ اللي طالع، نبص على المكسب أكيد عند ربنا كبير جداً".

وكان آخر أعمال حلا شيحة قبل اتخاذها قرار الابتعاد عن الفن، مشاركتها في بطولة فيلم «مش أنا» مع تامر حسني، الى جانب: ماجد الكدواني، سوسن بدر، شيرين وعدد من ضيوف الشرف، أبرزهم: إياد نصار، فايز المالكي وعصام السقا، وهو من إخراج سارة وفيق.