فان دام يعتذر لمحمد أنور بعد الهجوم عليه بسبب حلقته في برنامج رامز جلال

اعتذر النجم العالمي چان كلود فان دام، للفنان المصري محمد أنور بعد مشاركته في حلقة من برنامج "رامز موفي ستار" والتي بسببها واجه الأخير موجة هجوم شدية بعدما اعتبر العديد من الجمهور والفنانين المصريين أنه أهان الفن المصري.

وكان محمد أنور قد أصيب بالذهول من رؤية النجم العالمي أمامه، وتلعثم وهو يحاول استجماع بعض العبارات بالإنجليزية، وقال: "أصل أنت مش عارف أنا في مصر بمثل مع مين، وهي الجملة التي تسبب في انتقادات كثيرة له.

ونشر فان دام رسالة اعتذار إلى محمد أنور بعد تعرضه لانتقادات كثيرة بسبب طريقة ترحيبه به، قال فيها إنه سمع من مستشاره الإعلامي المصري عن الانتقادات التي تعرض لها وهو حزين لما حدث معه، مؤكداً أنه شخص طيب وأن الجمهور لم يفهم أنه حاول التعبير عن حبه، وطالبه بعدم الاهتمام بهذه الانتقادات.

وأعاد محمد أنور نشر الرسالة وعلق عليها قائلاً: "شكرا جدا علي كلام حضرتك ده أنك وضحت قصدي وأن الكلام كان عفوي ومقصدش بيه أي حاجة غير أني أعبر عن حبي ليك من طفولتي وكنت بحاول أجمع كل الإنجليزي اللي اتعلمته من صغري عشان أعبر لك عن حبي ده، لكني عمري ما اقدر أني أقلل من الفن المصري ولا الفنانين المصريين ولو حد فهم ده فانا بعتذر له".

واستكمل: "إنما الجملة طلعت بشكل عفوي مني كنت عاوز اوضحلك بس اني بحبك جدا بس ممكن يكون من التوتر قلت جملة ماينفعش تتقال بس كان قصدي أوصل بيها فرحتي وحبي ليك، شكرا وهتفضل طول عمرك نجمي المفضل، وياريت بقى حد يترجملك كلامي ده عشان لو كتبته بالانجليزي بتاعي هيطلع زي اللي طلع في الحلقة ومش هتفهم منه حاج".