هاجم الفنان المصري أحمد فلوكس نقيب المهن التمثيلية في مصر الفنان أشرف زكي في مقطع فيديو نشره عبر حسابه على "إنستغرام".

وقال: "أشرف زكي بيكلمني دلوقتي يقولي إنت بتقول إن أنا مرتشي صح .. لأ أنا مقولتش إن إنت مرتشي علشان أنا عارف إنت عايز تعمل إيه وطبعا بقى تطلع تعمل فاهم النمرتين والحبتين بتوعك والتحقيق والنقابة".

وأضاف: "أنا مقولتش إنك مرتشي، أنا قولت إنت رحت حلقة وقبضت تمن مرواحك علشان تطلع تقول الكلمتين دول ولا إنت طلعت الحلقة لله .. من الآخر فكك من حواراتك علشان حواراتك مش هتاكل معايا".

وتابع: "هزعلك وهعريك وهفضحك قدام الناس وهفضح حواراتك .. اتقي الله وقوم اتحرك يا نقيب بدل ما تعملي فيها مطبلاتي ولا بدل ما تعملي فيها بتاع السبع ورقات.. اتحرك وهات حق الناس وهات حقي.. إنت سامع ولا مش سامع يا أشرف يا زكي".