هاجمت الفنانة راندا البحيري من خلال منشور عبر حسابها الخاص في "فيسبوك" الفنانين الذين يستعيدون ذكرياتهم بعد وصولهم إلى النجومية، مع الصعوبات التي واجهوها في بداية مشوارهم الفني، واتهمتهم بالافتقار الى الموهبة.

وكتبت راندا في منشورها: "بشوف ساعات ممثلين بعد النجومية بيطلعوا يحكوا إن فلان أو علان كان شايف إنه ممثل ضعيف وإنه مكانش راضي إنه يشتغل معاه علشان مش شايف موهبته أو علشان حاسس إن فيه ناس أحسن... طبعاً بيقولوا ده نوع من الفخر والشماتة إنهم دلوقتي بقوا نجوم وأن المخرج الفلاني ده مكانش شايف موهبته أحب أصدمك وأقولك الحقيقة».

وأضافت: "90 في المية من اللي بيطلعوا في اللقاءات يقولوا الكلام ده.. بالفعل مش موهوبين ولو أنت وصلت لمكانة ما، فهي يا إما طفرة ويومين وهيعدّوا... يا إما تدني الذوق العام... يا إما سهولة الظهور حالياً عكس زمان... يا إما إصرارك السنين دي كلها إنك تكون في الحقل الفني وعايز تمثّل وده كان نتيجة إصرارك".

واختتمت البحيري منشورها بالقول: "لكن تقتنع إنك موهوب وتطلع تحكي عن اللي حاربوك في البداية... فكر 100 مرة قبل ما تعمل كده وتضحّك الناس عليك لأنك بنسبة كبيرة مكنتش موهوب فعلاً... ده مش معناه إن فيه ساعات المواقف دي بتحصل فعلاً وإن فيه ناس بتتظلم أكيد بعض الناس بتتظلم".