بعد هجوم دينا عليها.. غادة إبراهيم تردّ

بعد تصريح الراقصة دينا بأنها شعرت بالكره تجاه الفنانة غادة إبراهيم بسبب ما فعلته في جنازة الفنان الراحل سمير صبري، مشيرة إلى أنها فعلت ذلك بهدف التريند، أكدت غادة في تصريحات صحافية، أن علاقتها بدينا أكثر من رائعة، قائلة: "لا أصدق أن دينا اللي بتقول كده، هو التريند بيتعمل في الجنازة وأنا شعري مبلول ومش عاملة كوافير ومن غير ماكياج ومعيطة وصايمة وعندي هبوط وشكلي تعبان؟.. على الأقل أظبط شعري وشكلي وأستعد.. فعلا لا تعليق!!! اللي عايز يصدق يصدق واللي مش عايز ربنا يتولاه برعايته".

وأكدت غادة أن هناك شهوداً على ما حدث قائلة: "كان يقف بجواري صحفيون ومصورون عند باب الخروج ورأوا وشاهدوا ما حدث، مضيفة: "الأخت بنت شلبي اللي جات وحشرت نفسها في حوارنا وقالت كلام سخيف مالوش أي لازمة وتسببت في كل التوتر اللي حصل".

واستكملت: ومحدش يقدر أبداً يزايد على حبي وحزني على سمير صبري الله يرحمه.. ومعروف كويس مين في الوسط ده اللي بيسعى للتريند ومقدس عندهم.. الحركات دي مش بتاعتي وليها ناسها".

وكانت دينا قد انتقدت غادة إبراهيم، وقالت في تصريحات صحافية: "غادة سألتني هتروحي إسكندرية، قلت لها لأ مش هينفع قالت ولا أنا كمان هروح، زعقت ليه طالما هي مش طالعة، في ناس بتحب تعمل تريند بس على حساب مين على حساب ميت.. وده سمير صبري".

شارك