حنان ترك توجّه نصيحة قاسية الى المتنمّرين: "الغنى في النفس مش في الجيب"
القاهرة - "لها" 21 يوليو 2022
حنان ترك وزوجها
وجّهت الفنانة المعتزلة حنان ترك رسالة ضمّنتها نصائح الى المتنمرين على الأشخاص الذين يعانون في حياتهم.
ونشرت ترك عبر حسابها الخاص في "فيسبوك" صورة جمعتها بزوجها رجل الأعمال محمود مالك وكتبت معلقةً عليها: "هترتبطي بواحد علشان فلوسه هتلاقي قلبه مفلس حُب... وأنت هترتبط بواحدة علشان شكلها هتلاقي قلبها مليان قسوة، ساندوتش الفول بيشبع وترابيزة عليها أكل بـ1000 ج بتشبع... وبطنك مش هتعرف الفرق".
وأضافت: "لابس هدوم ماركة بتستر جسمك ولابس هدوم من السوق بتستر جسمك... وجسمك مش هيحس بالفرق، راكب عربية موديل السنة هتقضيلك مشوارك والعربية القديمة برضو هتقضيلك مشوارك... ورجلك ف الحالتين هترتاح".
وتابعت: "البيت الصغير بيسترك والقصر الكبير بيسترك... وف الأول والآخر مش هناخد حاجة وإحنا رايحين ع القبر".
واختتمت حنان ترك منشورها قائلةً: "كفاية اهتمام بالمظاهر وكفاية اهتمام بالشكل والفلوس وكفاية نقص وظلم بنطلعه ع الضعيف أو اللي شكله وحش أو اللي مُش معاه... الشبع ف العين مش ف البطن والغنى ف النفس مش ف الجيب".
وكانت الفنانة حنان ترك قد طلبت من متابعيها في بث مباشر عبر حسابها في "فيسبوك" أن يساعدوها في التبليغ عن أي حساب أو صفحة تنتحل صفتها على موقع التواصل الاجتماعي "فيسبوك"، قائلةً: "لا أملك أي حساب إلا هذا الحساب الرسمي الموثق".
وقالت ترك إنها لا تمتلك الوعي والثقافة السياسية، مشيرةً إلى أنها لم تتطرق يوماً إلى الموضوعات السياسية، على عكس ما ينشر ويقال عنها.
وأضافت ترك: "عاوزاكم تساعدوني ضد أي حد بيتكلم على لساني... في صفحات باسم الدين والسياسة بتتكلم على لساني... وأنا عمري ما هتطرق للمواضيع دي... لأني سياسياً؛ جاهلة ومعنديش وعي ولا ثقافة سياسية... وبالنسبة للدين لما اتحجبت من 2007 ودرست علوم شرعية كان على سبيل النجاة وليس على سبيل الدعوة لأني أصغر بكتير من كده.. صعبت عليا نفسي من إن أصحابي وحبايبي زعلوا مني على حاجات مش على لساني... معقول نسيوني أوي كده؟ أنا فين والكلام ده فين... أي حاجة تنزل على لساني... أو يتقال إني بحلل شيء مليش علاقة بالكلام ده... ولا بحرَّم ولا أحلَّل... وأنا أصغر من إني أفتي... وده له ناسه".
وأكدت حنان ترك أنها ستتخذ إجراءً قانونياً ضد كل من تحدث على لسانها، قائلةً: "ربنا نصفني... وكل الصفحات اللي بالملايين تراجعت... ومش هسكت على أي حد اتكلم على لساني... وبحذّرهم يلغوا البوست ويشليوه... لأني هبتدي آخد إجراءات".