بالفيديو - أبو الليف باكياً: "معاشي 900 جنيه أطعمي أولادي إزاي"

خلال مداخلة هاتفية له ببرنامج "الوسط الفني" الذي يقدمه المذيع أحمد عبد العزيز على قناة "الحدث اليوم" دخل المطرب نادر أبو الليف في نوبة بكاء بسبب ضيق أحواله المادية وعدم مساعدة نقابة المهن الموسيقية له.

وقال أبو الليف: "دخلت مؤخرًا العناية المركزة وعملت جراحة ودفعت 88 ألف جنيه، ومستلفهم عشان أدفعهم للمستشفى، النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي، هما دول اللي انتخبناهم في المجلس، حرام عليكم، لو اتعرض عليا النهارة أي حاجة هوافق عشان أوفر الأكل للأربعة اللي في رقبتي مراتي وعيالي التلاتة.

وأضاف: "حلو تاخد مني ضريبة على أي فرح أو أي حفلة، ولما أتعب ملاقيكش في ضهري، اشمعنا متقفوش جمبي وأنا مافيش شغل، وحلمي عبد الباقي مش في إيديه الإمكانيات أنه يعمل لي حاجة، أنا معاشي 900 هيأكلولي عيالي إزاي؟ من مدارس وأكل وشرب، بقالي شهر مقدم الطلب لـسكرتير النقابة ووكيلها ومحدش بيرد عليا ولا يعبرني".

جدير بالذكر أن آخر أعمال الفنان نادر أبو الليف هي العرض المسرحى "عزيز وغالى" ويشارك في بطولته كل من الفنان علاء زينهم وهشام عبد الحميد ورانيا صالح وأحمد على وعزة المراكبي ومجدى سعيد ومن تأليف احمد عبد الله واخراج محمد السباعى .

رابط الفيديو:

https://www.youtube.com/watch?v=FM3A-i5oREw

كتابة: القاهرة - "لها"