تحميل المجلة الاكترونية عدد 1075

بحث

بالفيديو - ناهد رشدي تكشف معاناتها مع المرض طوال عامين

بالفيديو - ناهد رشدي تكشف معاناتها مع المرض طوال عامين

حلّت الفنانة الكبيرة ناهد رشدي ضيفةً على برنامج "الستات" الذي تقدّمه الإعلاميتان مفيدة شيحة وسهير جودة عبر قناة "النهار"، حيث كشفت العديد من أسرار حياتها الشخصية، وحكت عن معاناتها مع المرض طوال عامين، كما تحدثت عن حب زوجها لها ومساندته لها خلال فترة مرضها، مشيرة إلى أنه ترك كل شيء ومكث بجوارها في المنزل.

وقالت ناهد: "جوزي قعد جنبي في البيت سنتين خلال فترة مرضي، ومن الناحية المادية بذل طاقة رهيبة، وتأكدت أن اللي وفي لأمه وبيراعي أمه واللي مامته فوق كل حاجة تحطيه في عنيكي لأنه زي ما خايف على مامته وقاعد في الشقة اللي جنبها، ومش عاوز يروح في مكان تاني هيعمل معايا كده، وتفاجأت باللي عمله معايا لأنه كان بيحب الخروج والسفر".


وأضافت: "في ناس كانوا عاوزين بيتي يتخرب وبيحقدوا عليا، ويقولوا جوزها لما عيت قعد جنبها لأن جوزي قعد جنبي سنتين وماكانش بيخرج وكنت بتحايل عليه يشوف صحابه أو يسافر لكنه رفض".

ورفضت ناهد رشدي الإفصاح عن طبيعة المرض الذي عانت منه، موجهةً نصيحة لمن يعاني من أي مرض صعب بأن يتعامل معه على أنه ضغط أو سكر، مضيفةً: "أكتر فترة صعبة عدت عليا فترة المرض، وقعدت فترة طويلة في البيت والحمد لله دلوقتي قالوا لي انزلي واشتغلي".

وعن تفاصيل معاناتها مع المرض قالت: "شفت حاجات ما كنتش شايفاها، كل واحد بان على حقيقته، وبيبان مين فرحان فيك وأقرب الناس ليكي فرحانين ويقولوا أحسن إنك اتهديتي، وعارفة مين عشان كده مش بكتب إني تعبانة عشان لو حد بيحبني هيزعل بجد ومش عاوزة أزعله ولو حد بيكرهني هيشمت فيا".

واستكملت ناهد رشدي حديثها باكيةً: "حاجة تزعل إنك 30 سنة مضحوك عليكي وقرايب بيضحكوا عليكي وأنت مصدقاهم، ودي تعتبر خيانة من ناس عاوزين يشوفوني في أسوأ حالة وفرحانين، وبيبان على الصوت ويشمتوا فيا، والإحساس اللي وصلني من الناس كان مؤلم أكتر من المرض نفسه، و5 بس هما اللي صحابي بجد منهم 3 من الوسط الفني وهما حنان سليمان وعزة لبيب ومي عبد النبي".


المجلة الالكترونية

العدد 1075  |  أيار 2024

المجلة الالكترونية العدد 1075