رغم أزمة انفصاله التي ضجّت بها مواقع التواصل الاجتماعي وإصراره على الصمت وتجاهل كل ما يتم تداوله، أحيا الفنان المصري تامر حسني حفلاً ضخماً لخريجي الثانوية العامة في الإسكندرية، وفي أول تعليق له على الحشد الجماهيري الذي حضر الحفل، قال إن عينيه عجزت عن رؤية الحضور في الصفوف الخلفية، وأن الكاميرات لم تتمكن من تصويرهم جميعاً، وذلك بسبب عددهم الكبير.

ويصرّ النجم المصري على تجاهل التعليق على أخبار انفصاله عن زوجته بسمة بوسيل، ويركز كعادته على أعماله الفنية وحفلاته، حيث كتب أخيراً منشوراً عبر حسابه الشخصي في "إنستغرام"، قال فيه: "إسكندرية إمبارح مكانتش حفلة، كان حدث مش عادي، بجد عيني مكانتش عارفه تجيب آخر الجمهور، حضوركم الكريم ده هفضل فخور بيه طول عمري".

وأضاف: "اتشرفت بتقديمي لـ 13 موهبة مصرية من مختلف محافظات مصر، وفعلاً كسروا الدنيا بأصواتهم اللي فوق الرائعة، وعازف الساكس الصاعد المتميز اللي قدّمته وموهبته كانت مفاجأة كبيرة للجمهور... فخور بالتنظيم أستاذ أدهم بكري الشاب الجميل الإسكندراني، اللي كان بيحبني من وهو 15 سنة، وقولتله لو بتحبني أوي لازم تنجح، ووعدني أنه هينجح والنهاردة عنده 30 سنة، ومن كبار منظمي حفلات إسكندرية، ويكون صاحب الحفل الأضخم في تاريخ حفلات مصر".

واستكمل: "بشكر رجال الأمن كل الشكر مجهود عظيم، في دخول وتأمين عدد خرافي زي ده، لحد دلوقتي مفيش كاميرات عرفت تصور الجمهور، رغم كل الصور دي بس قريب هينزل تقرير كبير عن الحفلة، هيكون أوضح إن شاء الله".

واختتم تامر حسني منشوره قائلاً: "شكراً طلاب الإسكندرية حبايب قلبي، شكراً لكل شعب إسكندرية العظيم الراقي المحترم، شكراً لكل الوحوش اللي تعبوا في المسرح الكبير ده، وإخراج الحفلة بالشكل العظيم ده اللي يليق بالإسكندرية وشعبها".