نبيل الحلفاوي يثير حيرة جمهوره بعد ردّه على تصريحات ياسمين عز

أثار الفنان نبيل الحلفاوي حيرة جمهوره بعد ردّه على التصريحات الأخيرة للإعلامية ياسمين عز في برنامجها "كلام الناس" على قناة MBC مصر، والتي وجهت فيها عددًا من النصائح للزوجة لتجنب التعرض لخيانة زوجها، والتي اعتبرها عدد كبير من الرجال في صالحهم، إلا أن رد الحلفاوي جاء على عكس توقعاتهم.

وأعاد نبيل عبر حسابه على "تويتر" نشر جانب من تصريحات ياسمين عز، وهو الجزء الذي قالت فيه: "خلي الراجل أول ما يشوفك يحس إنه ساب الضغط والتعب والمشاكل وداخل الجنة بتاعته، مش تقوليله إوعى تدوس على السجادة واقلع الجزمة بره، ما هو جايبها بفلوسه"، ليعلق الحلفاوي على هذه النصيحة بتغريدة كتب فيها: "عشان بتحافظ على فلوسه"، لأمر الذي مثل صدمة لبعض الرجال حيث علق عليه بعضهم بسؤاله إن كان يدعم الرجل أم المرأة.

وكانت ياسمين عز قد وجهت أكثر من نصيحة للزوجة خلال الحلقة قائلة: "ليه معظم الستات بتتغير بعد الجواز؟ اعرف ستات لما أزواجهم ينزلوا الشغل ولا بيعبروهم، وكأن لسان حالها يقول له المركب اللي تودي طبيعي بعد كده إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟"

وتابعت: "ما هو شايف بوز أد كده طول النهار أدامه، أول ميرجع جوزها للبيت، بدل ما تسأله عملت إيه انهارده، بتبقى قاعدة قمطة دماغها بتقوله ايدي وجعاني والعيال تعبوني ومش قادرة أتكلم، ليه لما حد يجي من أهلك الولائم تشتغل والأصناف والأشكال تظهر، وفي الأيام العادية مفيش حاجة بتتعمل للراجل الشقيان اللي طالع عينه، فين أيام ما الست كانت بتدي لجوزها الحتة الكبيرة في الفرخة وتاكل الباقي هي وعيالها".

شارك