بالفيديو - بعد فبرك تصريحات باسمها... ياسمين عز تهاجم هؤلاء

انتقدت الإعلامية ياسمين عز خلال تقديمها حلقة أمس (السبت) من برنامج "كلام الناس" المذاع عبر قناة MBC مصر، محاولات البعض تشويه صورتها عن طريق فبركة تصريحات مستفزة على لسانها.

وقالت ياسمين: "فبركة التصريحات أصبحت ظاهرة مقززة على السوشيال ميديا، والمصيبة أن التصريحات المفبركة منسوبة لي في برنامج يعرض كل يوم على الهواء، وحلقاته الكاملة ومقاطع الفيديو الخاصة به متاحة للجميع.

وأضافت: "الهدف معروف وأنا فاهماه كويس، مش عشان تهاجم حد تفبرك له صورة وتصريح، ده أسلوب رخيص".

وتابعت: "من أيام حد بعتلي بوست مفبرك مع صورتي، والجملة المفبركة هي لو جوزك في علاقة مع واحدة تانية متسميهاش خيانة، ده معناه إن جوزك محبوب. ده كلام غير ناضج وأنا مش شخصية ضعيفة عشان أقوله".

وأكملت: "الست اللي تنادي بحقوق الرجل والمرأة عمرها ما تقول لو جوزك خانك يبقى راجل محبوب".

وكشفت ياسمين عز حقيقة التصريح المنسوب لها قائلة: "ده فيديو من برنامج قديم من 5 أو 6 سنين وحصل فيه تحوير، في حد حاططني في دماغه، وليها مزاج تطلع التصريح المفبرك".

شارك