أعلنت نادية يسري، صديقة الفنانة الراحلة سعاد حسني عبر حسابها الخاص على "فيسبوك" عن طرحها عدداً من أوراق قضية مقتل الفنانة الراحلة، وذلك من تحقيقات جهاز الأمن البريطاني سكوتلنديارد، لتجيب بها عن الأسئلة التي تطرح حول حقيقة وفاتها رغم مرور 22 عامًا؛ مؤكدة أنها ستكشف مفاجآت جديدة للمرة الأولى.

وكتبت نادية قائلة: "أنا هنزل شوية من أوراق تحقيقات سكتولنديارد في انتحار سعاد حسني علشان الناس اللي بتقول ماحققوش وقفلوا على الموضوع وعملوا سيناريوهات طبعا كله عشان يتاجروا بموتها.

وواصلت نادية يسري: "هنزل كمان رسائل سعاد حسني اللي عمري ما وريتها لحد بخط إيدها وهي بتعبر عن وجعها وتعبها ونفسيتها ومشاكلها المالية وهجاوب على شوية الأسئلة اللي بتتكرر من 22 سنة، والشيخ الشعراوي رحمة الله عليه ببشر المظلومين وقال لا يموت ظلوم في الكون حتى ينتقم الله منه".

واختتمت نادية حديثها، قائلة: أنا متأكدة إن ربنا الحق العادل ها يكرمني ويجبلي حقي منهم ومن كل واحد ظلمني وافترى عليا، حسبي الله ونعم الوكيل فيكم، بس خلاص قربت تخلص خالص إن شاء الله".

من ناحيتها علقت جانجاه، شقيقة الراحلة سعاد حسني على إعلان نادية يسري فتح قضية مقتل السندريلا من جديد بعد مرور 22 عامًا على وفاتها.

وقالت جانجاه في تصريحات صحافية: "نادية يسري مجرد شاهدة باطلة على وفاة سعاد حسني، ومالهاش حق تفتح القضية واللي يحق لهم بس هم أسرة الراحلة ونادية متهمة أساسا في قتلها، يبقى حق مين اللي عايزة تاخده وتقول مظلومة؟".

وأضافت: "نادية يسري مشتركة في الجريمة وبتتكلم دلوقتي لأنها بتعمل تريند وبتقول أي كلام عشان بتدور على فلوس من ورا القضية".