بالفيديو - خالد سليم يحتفل بتخرج ابنته الكبرى

نشر الفنان خالد سليم على حسابه الخاص بـ"إنستغرام" عدة صور ومقاطع فيديو احتفل بها بتخرج ابنته الكبرى نور من المدرسة الثانوية.

وعلق خالد على الصور والفيديوهات قائلاً: "النهاردة.. كان يوم مميز جدًا ليا.. اختلطت مشاعري بشكل غريب.. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن.. أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة".

وأضاف: "النهاردة أنا عيشت أربع ساعات مليانين سعادة وخوف وفخر ودموع ومحبة وشجن.. حفلة تخرج بنتي الكبيرة نور".

وتابع: "كنت سعيد إنها وصلت للمرحلة دي بكل نجاح.. وكنت خايف عليها طول ما أنا شايفها بتتحرك قدامي.. وفخور بيها وبمحبة الكل ليها وشخصيتها الحلوة".

واختتم خالد سليم: "دموعي والمحبة والشجن كانوا بسبب الحالة اللي كل الطلبة والمدرسين والعاملين في المدرسة كانوا فيها.. إن الدفعة دي هيمشوا ويسيبوا المدرسة ويبدأوا مرحلة جديدة.. ألف مبروك يا نور على النجاح والتفوق والتخرج.. واعرفي إني دايمًا فخور بيكي.. يا حب عمري".

مقالات ذات صلة

نجوم الفن يتألقون في المهرجان الأول لدراما رمضان (فيديو وصور)

هند صبري تتحدث عن عودتها الى الأدوار الشعبية في "مناعة"

خالد سليم