عمرو محمود ياسين يردّ على اتّهامات أشهر كومبارس له

بعد تصريحات برنسة عبدالغني أشهر كومبارس في السينما، بأن السيناريست والفنان عمرو محمود ياسين أضاع مسلسلاً كانت قد سلّمته إيّاه ويحكي عن مشوارها الفني، دافع السيناريست الشهير عن نفسه من خلال منشور عبر حسابه الرسمي في "فيسبوك"، قال فيه: "النهاردة لاقيت الخبر ده، (برنسة عبدالغني: عمرو محمود ياسين خد ملخّص حياتي عشان يتعمل مسلسل وضيّعه)".

وأضاف: "يا أستاذة برنسة تحياتي ليكي أولاً، ثانياً حضرتك كنتي قابلتيني وإحنا بنصوّر مسلسل "ونحب تاني ليه" على ما أتذكر ولاقيتك من تلقاء نفسك جايبالي ملخص وقولتيلي اقرأه عشان عايزة إني أعمله مسلسل، وقتها كنا لسه بنصوّر وما قدرتش اقراه أبداً".

وأردف عمرو بالقول: "وقريته بعد كده لما اتصلتي بيا فكرتيني به بعد فترة طويلة، وقتها أنا قريته وللأسف مالقتش فكرة مناسبة له، وحضرتك ماكلمتينيش تاني وأنا ماتصلتش برضو وده تقصير مني بعتذر عنه... لكن مش عارف جبتي منين حكاية إني أنا ضيّعته، مش عارف جبتي الفكرة دي منين... الملخص بتاعك في الحفظ والصون زي ما هو، وتقدري تاخديه وقت ماتحبي... وربّنا يكرمك".

ونشر عمرو محمود ياسين صورة من الملخص ليؤكد صحة كلامه بأنه لا يزال يحتفظ به.