كشفت الفنانة ساندي الأسباب التي أدت إلى ابتعادها عن عالم الفن ومواقع التواصل الاجتماعي في الفترة الأخيرة.

وعبّرت ساندي عن استيائها وحزنها الشديد بسبب حذف حساباتها من مواقع التواصل الاجتماعي، حيث قالت: "ابتعدت عن الفن بسبب حاجات كتير ومنها كورونا، وكل السنين عدّت بسرعة وأنا محستش بيها، وأنا تعبت في عمل كتير جداً، وجت كورونا والعمل ده متشافش، وده سببلي إحباط كبير، بالإضاقة إلى إن حساباتي في مواقع التواصل الاجتماعي اتحذفت، وكنت ببدأ من الأول وجديد".

وأضافت: "لما اشتغلت على نفسي وشخصيتي، وأصبحت نفسياً أفضل، كان إحساس حلو، وتحدي لي، وعملت دراسات كتير في علم النفس والطاقة، وده ساعدني إن أبقى متسامحة مع الظروف، وخلاّني أعرف أركّز وأرجع تاني".

وعن رد فعلها بعد حذف حساباتها من مواقع التواصل الاجتماعي، قالت ساندي: "السوشيال ميديا أصبحت حياة الفنان، وأنا لما السوشيال ميديا اتمسحت عملتلي أزمة وبدأت من أول وجديد، والسوشيال ميديا بتأثر بالطبع، والجمهور مكنش عارف يوصللي، جالي اكتئاب حاد وصدمة بسبب حذفها".

وكشفت ساندي سبب ابتعادها عن عالم الفن، قائلةً: "فكرة إني أرجع للتمثيل كانت في بالي، ولكن كنت دايماً برفض الأعمال اللي بتجيلي عشان كنت بحس إنها مخاطرة تانية بعد الغناء، وطول الوقت كان بيجيلي بطولة مطلقة فكنت بحس بمسؤولية كبيرة، وأن الفيلم لو وقع يبقى أنا اللي وقعت، ودا هيضرني كمطربة".