حنان شوقي تردّ على سخرية الجمهور من تصريحاتها حول الاهتمام بالزوج

بعد تصريحاتها عن أهمية اهتمام الزوجة بزوجها وتوفير كل وسائل الراحة له، وذلك خلال لقائها في برنامج "قعدة ستات" الذي تقدّمه الإعلامية مروة صبري عبر قناة "القاهرة اليوم"، تعرّضت الفنانة حنان شوقي لانتقادات وسخرية الجمهور على مواقع التواصل الاجتماعي.

وردّت حنان على تلك السخرية مؤكدةً أن الذين سخروا من تصريحاتها تلك يتمنّون أن يعيشوا الحالة نفسها، حيث قالت: "الست المفروض تحمي جوزها وتبوس رجله وهو يحميها ويبوس إيدها ورجليها، وأنا بقول كلمة حق، واللي بياخدوا بسخرية هما حرّين، ده حتى الأجانب بيعملوا كده مع بعض، هو للدرجة دي الكره نسّانا الاحترام والحب اللي بجد".

وأضافت: "الناس اللي بتقول إيه الهبل ده نفسهم يعيشوا الحالة دي ومش عارفين، أنا بقول حقيقة في الحياة وأقسم بالله أنا شفت أمي بتعمل كده مع أبويا وأنا عملت كده مع جوزي، والحكاية متبادلة مع بعض الاتنين بيحترموا بعض وبيشلوا بعض. ليه الناس مش قادرة تستحمل الحقيقة وجواهم عارفين إني بقول الحقيقة وعزة جلال الله كل الناس عارفة إني بقول الحقيقة، لكن اللي بيتكلموا عاشوا تجارب مريرة من أشخاص مريضة نفسياً والزوج يبوس إيد مراته ده بروتوكول الراجل مع الست".

واختتمت حنان شوقي بالقول: "إحنا عاوزين ضرب نار يعني، دي حالة حب، ليه الناس مش متقبلة الحقيقة اللي بجد، ليه عاوزة تعيش حالة حرب من كتر الكذب والنفاق والرياء، ويتقال يا سلام أحميه لا اضربيه بالنار وهو يضربك بسكينة في قلبك وأول ما بيدخل برف المقشّة على دماغه وهو يديكي بالجزمة ده إحنا بقينا مجتمع مهلهل".