علّقت ريم طارق على مقطع فيديو لطليقها مطرب المهرجانات حسن شاكوش نشرته على حسابها الخاص بـ"إنستغرام" تحدث فيه عن انتهاء الخلاف بينهما، متمنياً لها كل الخير وفي حياتها المقبلة.

وكتبت ريم قائلة: "أنا كمان بتمنالك كل خير يا حسن وأكيد إحنا حبايب وعايزة أقول حاجة للمتابعين".

وأضافت: "المشكلة بتاعتنا من الأول إن بلاش أي حد يدخل في مشاكلكم الشخصية حتى لو أقرب الناس ليكم، لأنهم من كتر حبهم ليكم ممكن المشكلة تزيد مش تتحل وده اللي حصل معانا أنا وحسن".

وتابعت ريم طارق: "يمكن لو كانت المشكلة بينا بس كانت اتحلت من بدري وأنا كمان بشكرك يا حسن وإنت وعدت ووفيت لله الأمر من قبل ومن بعد".

وتحدث شاكوش في الفيديو الذي نشرته ريم قال فيه: "أنا طالع من خلال الفيديو بقول إن أنا وريم حبايب ومفيش أي خلافات ولا مشاكل.. ومن خلال الفيديو بشكرك جدًا يا ريم إنك قولتي كلمة حق وماشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية".

وتابع حسن شاكوش: "بشكر كل الناس اللي اتدخلوا وكلموني عشان نخلص الموضوع بشكرهم جدًا جدًا وتعبوا معايا جدًا.. وبقول لكل الناس إخواتنا الإعلاميين والصحفيين اللي هما على راسي من فوق، إحنا خلاص حبايب مفيش أي حاجة، وهي كانت في يوم من الأيام مراتي ومكنش ينفع أجرح فيها بأي كلمة أو أتكلم أي كلمة تجرحها".

واختتم: "الحمد لله الموضوع خلص على خير وأنا وريم حبايب دلوقتي ويارب يقدركم على فعل الخير وبشكر كل الناس اللي بتحبني وبتحب ريم".