رفضت الفنانة المصرية صفية العمري استخدام مصطلح "السينما النظيفة" قائلةً: "الكلمة نفسها وحشة، مهينة، إيه يعني السينما النظيفة وغير النظيفة؟".

وأضافت الممثلة القديرة خلال حلولها ضيفةً على برنامج "حبر سرّي" من تقديم الإعلامية أسما إبراهيم: "الكلمة نفسها معصباني جداً فهي عيب كبير، مقدرش أعلق عليها لأنها عيب، المشاهد كانت بتتقدم في أفلام الأبيض والأسود... عمرك شوفتي حد بيعلّق تعليق مش كويس؟ الفنانات زمان كانوا بيلبسوا ملابس شيك... كانت حاجة محدّش يعلق عليها بشكل غير أخلاقي".

وفجّرت العمري مفاجأة حول الجزء السادس من المسلسل الأيقوني "ليالي الحلمية"، مؤكدةً اعتذارها عن عدم المشاركة فيه، قبل تراجعها عن قرارها بناءً على إلحاح الفنانَين هشام سليم وإلهام شاهين.

وأضافت الفنانة المشهورة بشخصية "نازك السلحدار": "حسيت إني هعمل عمل مكتوب عليه "ليالي الحلمية"، لكن هو مش ليالي الحلمية بتاعي، لحد الجزء الخامس خلاص، السادس ده "ليالي الحلمية" بالاسم فقط".