نشرت الإعلامية ريهام سعيد من خلال حساباتها المختلفة على مواقع التواصل الاجتماعي مقطع فيديو كشفت فيه عن تفاصيل ما حدث لها على يد طبيب تجميل.

وظهرت ريهام في الفيديو من دون فلتر أو مكياج لتكشف تفاصيل ما أصابها في عملية التجميل التي لا تزال تتعالج بسببها منذ ثلاثة أشهر.

وقالت ريهام: "أنا طلعت النهاردة من غير فلتر ولا مكياج علشان أورّيكوا العملية اللي الدكتور بيقول إنه راضي عن نتيجتها".

وأضافت: "أصالة عملت تجميل وطالعة زي القمر وغيرها من الفنانات ومأعلنوش وعارفين إنهم هما بس أصغر، هل دا شكلي؟ هل الطبيب دا مغيّرش هويتي؟ أنا علشان أخرج من مطار بيروت احتجت وثيقة تثبت إن أنا اللي في الباسبور لأنه غيّر شكلي، دي أكبر جريمة إنك تخلّيني أبص في المرايا معرفش نفسي".

وأردفت ريهام بالقول: "الدكتور بعد ما العملية باظت عمل فيلر على الحفر اللي ظهرت في وشّي بعد ما بوظّلي شكلي، وعمللي خطوط زي الشيطان، وعمل لي خياطة تحت العين ودي جريمة، وحاجبي زي الشيطان عشان كده عملت تاتوه ومسحت الحاجب وعدّلته، عندي صور كتير بعتهاله وأقوله الورم دا حرقتني، وعيني متشعلقة فوق وجعاني عايزاها تنزل كدا تعباني".

واختتمت ريهام سعيد حديثها بالقول: "انتقادكوا لينا المستمر هو السبب اللي بيخلّينا عايزين نظهر بأحسن صورة، بعد التجربة دي اتعلّمت إن الواحد يرضى بشكله".

واستعرضت ريهام سعيد وجهها وهي تقول:" هل دا وشّ ممثلة؟ لو فكرت أمثّل، أنا مشوّهة، بقالي شهرين بتعالج وهسافر أتعالج، وهخضع لعملية نتيجة تليّفات كثيرة في وجهي، الدكتور حرقني جوّه العملية نتيجة عملية فاشلة، ومش بتكلم بقالي 11 شهر".

وكانت ريهام سعيد قد اتّهمت طبيبَ تجميل لبنانياً شهيراً من دون تسميته بتشويه وجهها بارتكاب خطأ خلال إجرائه عملية تجميل لها.