حمدي الوزير يهاجم منتقدي إعلانه الأخير

شنّ الفنان حمدي الوزير هجومًا شديدًا على منتقدي إعلانه الأخير وحملة الهجوم التي شنها بعض مستخدمي مواقع التواصل الاجتماعي عليه بسبب الإعلان، مستنكراً هذه الحملة مؤكدًا أن الإعلان ليس به إساءة لأحد.

وقال الوزير إن هناك مجموعة من الأشخاص على مواقع التواصل الاجتماعي، متربصة به وبرموز مصر، موضحًا: "ليه الناس دايما بتربط اسمي بالتحرش، أنا أكتر واحد بيتعرض عليه أعمال وبرفضها، عشان كدا أنا مُقل في أعمالي، وفيه مؤامرة كبيرة على رموز مصر".

وأضاف: "أنا مليش في الخمرة ولا المخدرات ولا الحاجات دي الحمد لله، اللي الناس متعرفهوش أني شاركت في حرب 67، وحرب 73، وبقولها أهو أنا عندي 75 سنة، وكنت أصغر مجند في القوات المسلحة، ومحدش مصدق لأني مليش في السُكر ولا الكلام ده، أنا بعمل 12 تراك".

عن الهجوم على صورته في إعلان "ليك في الكيك"، قال: "الصورة ملهاش علاقة بالتحرش ولا حاجة، دي ناس تعبانة في دماغها، ومريضة نفسيًا، وبعدين الإعلان مكتوب أنت ليك في الكيك هو له اسم تاني؟ معروفة إنه كيك الحلويات، والحكاية إن دي ناس متنمرة لأي حاجة كويسة، الناس اللي بتقول إن عندنا بنات وأمهات بتمشي في الشوارع وإيه يعني لما يمشوا؟ هو أنا بعمل حاجة في البنات ولا جيت جنبهم والعياذ بالله، والبنات دول إخواتنا، والصورة مفيهاش أي حاجة".

وكانت قد انتشرت مجموعة من البوسترات الخاصة بالإعلان في شوارع وميادين مصر، الأمر الذي جعل بعضًا من الجمهور ومستخدمي مواقع التواصل الاجتماعي، يهاجمون الإعلان بسبب صورة حمدي الوزير، في مشهده الشهير عن التحرش، الأمر الذي جعل الفنان يتصدر التريند خلال الساعات الماضية.