مطرب المهرجانات مسلم يردّ على انتقادات خطوبته بعد شهرين من طلاقه

رد مطرب المهرجانات مسلم على الحملة التي شنها عليه نشطاء على مواقع التواصل الاجتماعي بعد نشره صوراً من حفل خطوبته، الذي جاء بعد إعلانه طلاقه من البلوغر ميكا البغدادي، بشهرين فقط، مشيرًا إلى أن الجمهور لا يعرف سبب الانفصال بينهما ويكن له كامل الاحترام.

وقال مسلم: "الناس قلبت عليا السوشيال ميديا، ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا.

وتابع مسلم حديثه: "أتمنى الناس تكون عندها عقل وفهم عشان خاطري إنتوا متعرفوش حاجة، ومحدش يعرف اللي جوة البيت بيدور إيه أو اللى جوة الحياة بيبقى عامل إزاى ومحدش يعرف ده عامل إيه وأنا مش بحب أتكلم عن حياتي وبيتي".

وأضاف: "أنا لو طلعت أتكلم عنها أبقى مش راجل، وعمرى ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد".

وكان مسلم قد أعلن طلاقه عن ميكا البغدادي في شهر كانون الأول (ديسمبر) الماضي عبر حسابه الشخصي على "إنستغرام"، قائلاً: "الحمد لله على كل شيء، الحمد لله تم الطلاق رسمي بيني وبين ميكا البغدادي، للأسف مكنتش أحب تكون دي النهاية، ويعلم ربنا إني راعيت الله فيها وتمسكت ببيتي أكثر من مرة".