بالفيديو - الردّ الأول من بسمة بوسيل على صورها مع تامر حسني بعد الطلاق

خلال لقاء لها مع برنامج ET بالعربي، علقت الفنانة بسمة بوسيل، للمرة الأولى على صورها التي تنشرها على حسابها بـ"إنستغرام" ويظهر فيها طليقها الفنان تامر حسني مع أبنائهما، مؤكدة حرصهما على الصحة النفسية لأولادهما الثلاثة.

وقالت بسمة: "لازم نتجمع أول يوم رمضان وفي المناسبات علشان ولادنا يحسوا بالدفء، حتى لو اتطلقنا لسه بنحافظ على أولادنا هما ملهمش ذنب في اختياراتنا، وأهم حاجة عندنا الصحة النفسية بتاعتهم إحنا مش بنمثل إحنا عيلة متجمعين.

وتابعت: "رغم الطلاق الحياة في البيت عند تامر زي البيت عندي وبروح وقت ما أنا عايزة وهو بيجي وقت ما هو عايز، إحنا ربنا كتب علينا ده بس في نفس الوقت مش عايزين نخلي أولادنا ضحية".

وأضافت: "أنا وتامر بنحافظ على إن في ما بينا حب لأولادنا ولبعض وعندنا احترام لبعض وبالنسبة لينا العيلة هي رقم 1 ولو محاولتيش تخلي علاقتك بطليقك كويسة عشان ولادكم فأنتي أم مش كويسة، بصراحة تامر سباق أكتر مني وأنا محظوظة هو أب مثالي وبيعشق أولاده".