حلت الفنانة يسرا ضيفة على بودكاست Big Time، الذي يقدمه الإعلامي عمرو أديب على قناة mbc، وخلال لقائها كشفت يسرا عما يزعجها في الآونة الأخيرة، إلى جانب حديثها عن تجربتها في فيلم "ليلة العيد"، الذي عرض الفترة الماضية في دور العرض السينمائي، وسبب تأخر عرضه لمدة عامين.

قالت يسرا: "لما بتحب حاجة بتعملها بقلب وضمير وجهد غير عادي، فلازم يكون في تقدير، ولما تحس إن التقدير مش موجود بتحزن على مجهودك، وفي مرات أقول مش عايزة أكون موجودة دلوقتي، وبسافر علشان مش حاسة إني مرتاحة".

وأضافت يسرا: "فيلم ليلة العيد، موضوع مهم وحلو واتأخر سنتين، حبيت أعمل كوميدي وكانت تجربة إني أشيل كوميدي لوحدي خطر لأني مش ممثلة كوميدي، أنا عايزة اللي حواليا يسندوني، وفرحانة إني عملت التجربة دي لأني حسيت بإنجاز، وروحت في سكة مش بتاعتي ونجحت فيها".

واستكملت يسرا: "أنا وعادل إمام عملنا 17 فيلماً كوميدياً، بس الأفلام كانت ليها مواضيع، مكنش ليا دعوة كان ممكن يحطوني في موقف كوميدي ويكون هو اللي عمل الموقف الكوميدي مش أنا".

تدور أحداث فيلم "ليلة العيد" في إطار درامي، ويتناول قضايا المرأة، من خلال معاناة عدة سيدات يعشن على جزيرة ما، وتتعرض السيدات لعدة مشاكل وأزمات بسبب عدم تفهم بعض الرجال لحقوقهن، ويشارك في بطولته بجوار يسرا، كل من: يسرا اللوزي، ريهام عبد الغفور، عبير صبري، نجلاء بدر، هنادي مهنا، من تأليف أحمد عبد الله، وإخراج سامح عبد العزيز.