أثار حديث النجم محمد حماقي في برنامج "BIG TIME PODCAST"، عن ابنته فاطمة ضجة كبيرة على السوشيال ميديا، بسبب صدقه في التعبير عن مشاعره.

وعبّر النجم المصري عن سعادته بطفلته وقال بعفوية: "فاطمة أحلى حاجة حصلت في حياتي، وكنت قبل ما أخلّف دايماً أسمع إن أقوى حب هو حب الأب والأم لأولادهم، لكن عمري ما تخيلت الإحساس، وهو فعلاً أقوى من إنه يتوصف". وأضاف: "أنا حضرت الولادة وأول ما جت ومسكتها حسيت إن شريان جديد اتفتح في قلبي أو زرار مشاعر عمرها ما كانت موجودة، أنت ما بتحبش نفسك إلا قدام بنتك أو ابنك".

وتابع: "هناك علاقة غريبة وتطورها غير طبيعي، ودلوقتي عندنا علاقة قوية وبتعمل حاجات كتير من اللي بحبها، بتلعب كورة وأهلاوية".

وتطرّق حماقي في حديثه الى علاقته بابنته ورفضه تزويجها ما دام حياً، إذ قال: "أنا قولتلهم طول مانا عايش مش هجوزها مهما حصل، لكن لما أموت يبقوا يجوزوها".