بالفيديو - ملحن شهير يكشف مفاجأة عن أغاني شيرين عبد الوهاب المحذوفة

نشر الملحن عزيز الشافعي عبر حسابه الخاص في "إنستغرام" مقطعاً مصوّراً كشف من خلاله عن مفاجأة تتعلق بأغنيتَي الفنانة شيرين عبد الوهاب "بتمنى أنساك" و"اللي يقابل حبيبي" اللتين طرحتهما شيرين أخيراً وحذفتهما شركة "روتانا" من موقع "يوتيوب"، مؤكداً دعمه الكامل لشيرين في أزمتها مع "روتانا".

وقال الشافعي في الفيديو: "كنت أتمنى أن الأغاني تنزل بطريقة أحسن، والاستعجال في تنزيل الأغاني حاجة ضايقتني ولكن شيرين كانت مجبرة على ذلك وأنا بدعمها مهما حصل". وتابع: "الاستعجال خلّى أغنية "بتنمى أنساك" تنزل وهي لسه مخلصتش، والمهم إننا نسمع شيرين في كل حتة، والجمهور استقبل الأغاني بشكل رائع، ويا رب شيرين تقدر تعدّي الأزمة دي زي ما عدّت كتير".

وأضاف: "فرحان بحماس شيرين وفرحان بشجاعتها، ومُقدّر أنها ممكن تكون غلطت، وأتمنى يكون فيه حد كبير في المزيكا والقانون يحل الإشكالية دي ويدّي كل واحد حقه ويخلّي شيرين تشتغل، وتخرج من مشاكلها الخاصة وتكلّمنا في الفن، اللغة اللي بنحب شيرين فيها".

وعن كواليس أغنية "اللي يقابل حبيبي" قال عزيز الشافعي: "أغنية "إللي يقابل حبيبي" من كلمات تامر حسين، أنا وتامر قعدنا أكتر من سنة علشان الأغنية دي تتعمل بالشكل ده وشيرين اللي تغنّيها، وفرحانين وإحنا سامعينها بصوت شيرين عبد الوهاب ومنتمناش أحسن من كده، وكانت المفروض الأغنية تنزل بشكل أحسن من كده".