بالفيديو - أحمد سعد يعلّق مازحاً على عودته إلى علياء البسيوني

خلال مداخلة هاتفية مع برنامج "الحكاية" الذي يقدّمه الإعلامي عمرو أديب عبر قناة "mbc مصر"، علّق الفنان أحمد سعد بطرافة على إعلان عودته إلى طليقته علياء البسيوني خلال حفله في الساحل الشمالي، والدخول في فترة خطوبة جديدة.

ومازح سعد، عمرو أديب قائلًا: "عمرك شفت حد خطب مراته؟"، ليعلّق الإعلامي: "هو حد يعمل كده يا راجل"، ليردّ سعد: "كان نفسي أقول إن حياة الفنانين مش مشوهة وكنت عايز أوصل رسالة إن أي اتنين متخانقين يبعدوا عن كل الناس اللي حواليهم وأي حد بيوصلهم حاجة وحشة أو حلوة، وأعطيت لنفسي فرصة أنا وأم عيالي إننا نكلم بعض بدل ما حد ينقل عننا أي أخبار وننسى كل حاجة وحشة في فترة زعل أو عصبية ونرفزة ونبصّ على بعض بعين تانية فيها اعتبار لأولادنا".

وعقّب عمرو أديب قائلاً: "يا أحمد إنتوا وضعكم إيه دلوقتي؟ هي خطيبتك ولا طليقتك ولا مراتك؟"... ليردّ أحمد سعد: "هو رونالدو وجورجينا مش أحسن مني بس هو الفرق بيني وبينهم إنه عايش معاها أنا مش عايش معاها، أنا وخطيبتي بيننا عيال وكسبت كل حاجة"، ليعلّق الإعلامي: "شاطر يا واد لئيم يا واد... مراتك صبورة وحمولة وليها الجنة".

واختتم أحمد سعد بالقول: "إحنا هنتجوز بس هنعمل فرح كبير جدّاً وهنعزم فيه ولادنا ويلبسوا نفس الفستان وعلشان مينفعش ما يحضروش فرح أبوهم وأمهم وهتبقى مناسبة جميلة إن الولاد ينبسطوا معانا، وهجيب ناس تغنّي في الفرح، وهعزم كل أصحابي، ابني يلبس نفس بدلتي وبنتي تلبس نفس فستان مامتها".

مقالات ذات صلة

أميمة طالب عارضة أزياء في أسبوع باريس للأزياء الراقية

ماجدة الرومي في ضيافة إلهام شاهين خلال زيارتها لمصر (فيديو وصور)

أحمد سعد علياء البسيوني برنامج الحكاية الساحل الشمالي عمرو أديب نجوم الفن مشاهير الفن