آية سماحة تتحدث عن سبب شائعة حملها

حلت الفنانة الشابة آية سماحة ضيفة على برنامج "أسرار النجوم"، الذي تقدمه الإعلامية إنجي علي عبر راديو "نجوم FM"، حيث تحدثت عن الأسباب التي جعلتها تتعرض لأغرب شائعة في حياتها، كاشفة عن سبب تأجيلها لقرار الإنجاب.

قالت آية: "أنا طلع عليّ إشاعة إن أنا حامل، أنا اتعشيت أسبوع جامد، اتعشيت لازنيا وسكلوب ست أو سبع مرات، دا اللي تخني بس بخسهم بسرعة جدا".

تابعت: "قرار الإنجاب مؤجل بالنسبة لي، خايفة جدا، مسئولية مش كل حد مؤهل ليها خالص، ممكن أجي الحياة وأمشي وأنا معملتهاش ودا مش تقصير مني، هي فكرة إن كل واحد قادر يعمل دا ولا لأ، ولحد دلوقتي حاسة إنه لأ".

أضافت آية سماحة: "هذه الخطوة لها تحضيرات كثيرة جدًا، لازم أبقى واقفة على أرض صلبة، مش الخطوة التالية بعد الزواج هي الإنجاب، ولازم أبقى فاهمة البني آدم دا أنا هديله إيه، هل أنا مبسوطة ولا لأ، هو هيبقى تمام ولا لأ، معرفش كلها أسئلة صعبة يعني مقدرش أجاوب عليها دلوقتي فقولت لأ مش هعمل كده".

اختتمت آية سماحة حديثها قائلة: "أنا مدية الشغلانة كتير أوي، وأكيد كل حاجة ليها وقتها وهتيجي في الوقت اللي ربنا شايفه صح".

يذكر أن آية سماحة لفتت الأنظار مؤخرًا في مسلسل "عمر أفندي"، الذي قدمت من خلاله دور راقصة، وهو من بطولة أحمد حاتم، رانيا يوسف، مصطفى أبو سريع، محمد رضوان، ميمي جمال، ومحمود حافظ، ميران عبد الوارث، إسماعيل فرغلي، تأليف مصطفى حمدي، وإخراج عبد الرحمن أبو غزالة.

مقالات ذات صلة

خالد الصاوي يستعيد ذكرياته مع خالد صالح وبداياتهما الفنية (فيديو)

ما حقيقة انفصال أحمد خالد صالح وهنادي مهنا؟

آية سماحة شائعة حمل أسرار النجوم