بالفيديو - طارق العريان يكشف تفاصيل جديدة عن "ولاد رزق"

16 تشرين الأول 2024 | القاهرة - "لها"

طارق العريان

أبطال فيلم "أولاد رزق"

بعد مضي خمسة أشهر على عرض فيلم "ولاد رزق 3" وتحقيقه أعلى إيراد في تاريخ السينما المصرية، كشف المخرج طارق العريان تفاصيل جديدة تُعلن للمرة الأولى عن مشاهد الأكشن والحركة في الفيلم.

ونشر العريان مقطعاً مصوّراً عبر صفحته الخاصة في "فيسبوك"، كشف فيه تفاصيل جديدة بشأن الفيلم قائلاً: "الأكشن اللي موجود عندنا في الفيلم هو عملية كبيرة جداً، وإحنا كنّا عايزين أكشن عربيات، وكوميديا في النص، وموقف يبقى فيه عواقب بتحصل أو حاجات غلط". وأضاف: "دائماً إحنا بنحط الخطة، ونروح نشوف إيه اللي حصل في التنفيذ، وإحنا فكّرنا في تايسون فيوري مش مشاهير تانيين لأنه بطل عالمي، ولكن عشان تحصل القصة اللي قولنا عليها في الفيلم".

وأردف العريان بالقول: "البداية كانت لما قررنا نسرق تايسون فيوري وهو خارج من الأرينا، والطريقة كنّا عايزين نخلّيها لايقة مع الفيلم بتسكينهم وطريقتهم، لأن "ولاد رزق" في الآخر هم من عين الصيرة وتفكيرهم بسيط، وفضلنا نفكّر إيه الخطة اللي نوصلهم بيها... كانوا يدخلوا الكونتينر، وعملنا نوع من أنواع الأكشن في البوليفارد واللي عجبنا فيها إنها زحمة، وكان المفروض أول ما يدخلوا يسلّموا الساعة لواحد من ولاد رزق الخمسة، اللي قرر ميقفش في مكانه، والمفروض إنهم بيتجمعوا في مكان واحد وهو الأهرامات".

واختتم طارق العريان الفيديو بالقول: "وعملنا أكشن هناك، وعملنا أكشن مدته 20 دقيقة، وكنا مركّزين إنه يبقى فيه تغيير لشكل الأكشن كل 30 أو 40 ثانية، وكل دا عشان نخلّي شكل الـ40 دقيقة مُبهر".

يُذكر أن فيلم "ولاد رزق 3" هو بطولة: أحمد عز وعمرو يوسف وآسر ياسين ومحمد ممدوح وكريم قاسم وأسماء جلال ونسرين أمين...، ومن تأليف وإخراج طارق العريان.