ابنة محمد رحيم تتحدث عن وفاة والدها وموقف تامر حسني (فيديو)

للمرة الأولى تخرج ماس ابنة الملحن الراحل محمد رحيم للأضواء بعد وفاة والدها لتكشف عن اللحظة التي علمت فيها بوفاته، والصدمة التي عاشتها برحيله

قالت ماس، خلال لقائها ببرنامج "قعدة ستات": "أنا وبابي كل يوم فيه ما بينا مكالمات لأن إحنا قريبين أوي وبنشارك بعض كل حاجة، ففي وقت أنا رنيت عليه وملقتهوش موجود روحت بصيت عليه عشان أطمن عليه بس لقيت اللي حصل".

أضافت :"أنا كنت على طول عنده، أنا بروح أشوفه وأقعد معاه حتى لو بيشتغل بروح أقعد معاه، أنا لو رنيت عليه 4 مرات ولقيت فيه حاجة بقلق، أنا متعلقة بيه أوي، لما روحت كان موجود قرايبنا وكنت أنا وأختي الصغيرة اللي روحنا، والحمد لله."

كما تحدثت عن الفنان تامر حسني وموقفه الطيب معها بعد وفاة والدها ووقوفه بجانبها.

وحكت عن غنائها في احتفالة تكريم والدها مع تامر حسني: "بابي بيتكلم عن موهبتي من زمان كان شايف إني شبهه وصوتي جميل وكنا خلصنا كذا حاجة، لما بابي توفى تامر حسني أتكلم معايا عن الأغاني اللي بابي عملهالي هما تقريبا 7 أغاني اختارهم لأنهم بيشبهوا شخصيتي، تامر حسني هو اللي اقترح إني أطلع أغني على المسرح وأن نضيف صوت بابي في آخر الأغنية".