بعد ظهورها بشكل مختلف.. إعلامية مصرية تفضح كذبة آلاء عبد العزيز

لا تزال قضية مقدمة البرامج آلاء عبد العزيز تشغل الصحافة المصرية والمتابعين على السوشيال ميديا وذلك بعد ظهورها بشخصيتين مختلفتين وحديثها عن معاناتها النفسية.

وفي تطور للأمور، شنت الإعلامية مروة صبري هجوماً على آلاء، وقالت خلال تقديمها برنامج "قعدة ستات": "أنا النهاردة هحكي لكم عن مصيبة وكارثة وحاجة لا تصدق، من يومين تلاتة طلع علينا ظاهرة جديدة، واحدة كانت بتشتغل مذيعة اسمها آلاء عبد العزيز، حاولت التواصل معها وكلمنا أحد الدكاترة النفسيين يطلع معانا على الهوا وهي موجودة علشان يساعدها على العلاج، وأول سؤال سألته إنتو بتدفعوا فلوس. وقبل الهوا بساعة أو ساعتين قالت معلش مش هطلع في البرنامج إلا لو دفعتي 10 آلاف جنيه".

وأضافت: "كل الدكاترة النفسيين بيقولوا إن اللي عنده فصام الشخصية ما يعرفش إنه مريض بالفصام. أنا عايزة أساعدك وإنت بتساوميني على فلوس؟ إذاً إنت مش مريضة، واعترفتي بنفسك وقلت أنا بعمل تريند ونجحت فيه واتشهرت، ومش هطلع في أي قناة إلا لو أخدت فلوس، نعم نجحتي تعملي تريند، برافو، بس تريند رخيص وفاشل وأهبل".

بدورها، تحدثت شقيقتها إسراء عن حاله آلاء الغريبة، ودافعت عنها وقالت:"آلاء مذيعة معروفة مش محتاجة تمثل أو تعمل تريند، وهي فعلا في كارثة كبيرة جدا ولازم تتعالج، مضيفة: "آلاء معمول لها سحر أسود من واحدة قريبتنا بتكرهنا والسحر بيتجدد لها، وجوزها مكمل عليها".

وأضافت في مداخلة مع برنامج "حضرة المواطن": "آلاء ضحية عائلة الأب وعائلة الأم، وضحية زوجين فاشلين، أول واحد كان بيضربها من أول يوم هي ومامته، وتاني واحد هرب سنتين وفي الآخر قال لها أنا طلقتك، وما سألش حتى عن بنته".

واختتمت قائلة: "آلاء فعلا في كارثة كبيرة لازم تقفوا معاها، وياريت الناس ماتقولش تمثيل وتريند".